Føroyska fjepparafelagið hjá Manchester United hevur fingið eina flúgvandi byrjan. Higartil hava umleið 200 fólk teknað seg sum lim í felagnum. Stovnandi aðalfundur var fyri jól og um vikuskifti skipaði nevndin seg soleiðis:
Formaður: Heri Simonsen
Næstformaður: Birnir Hauksson
Kassameistari: Jóannes Egholm.
Skrivari: Jón Brian Hvidtfeldt
Nevndarlimur: Jan Poulsen
Tiltakslimur: Leivur Langgaard
Harumframt er felagið skipað við tveimum undirnevndum, eini ferðanevnd og eini heimasíðunevnd. Almenna navnið á felagnum er Manchester United Football Club’s Supporters Club Faroe Islands Branch, á føroyskum Manchester United Fjepparafelag Føroyar, stytt MUFF. Endamál felagsins er at virka til frama fyri tey, sum stuðla Manchester United í Føroyum. At skipa fyri felagstiltøkum fyri allar limir. At skipa fyri ferðum til dystir hjá Manchester United. Og at virka fyri samanhaldi millum allar Manchester United fjepparar í Føroyum.
Felagið hevur higartil skipað fyri tveimum, almennum tiltøkum. Einum fyrireikandi fundi fyri at meta um áhugan fyri felagnum, og einum stovnandi aðalfundi, ið varð hildin á Rex sunnudagin 15. desember. Higartil hava umleið 200 fólk teknað seg sum lim í MUFF. Limagjaldið er 250 krónur um árið.
Felagið heitir á øll, bæði tey sum longu hava teknað seg sum lim, og tey sum ætla at tekna seg sum lim, um at senda felagnum ein teldupost til [email protected]. Í teldupostinum skulu vera hesar upplýsingar: Navn, bústaður, fartelefonnummar og teldupostur. Eisini verður biðið um at vátta, hvørt felagið kann melda limagjaldið til e-rokning, og hvørjari konto limagjaldið skal flytast av.
