Í løtuni eru fimm partrolarapør til fiskiskap. Skipini fiska upsa og fáa eisini nakað av hjáveiði.
- Skipini koma inn at landa, sum næsta vika gongur, men fiskiskapurin er vánaligur.
Á Fiskamarknaði Føroya vita tey í dag at siga, at eitt partrolarapar fiskar makrel.
Í dag er bara ein djúpvatnstrolari til fiskiskap. Teir fiska svartkalva og koma helst inn at landa fyrst í næstu viku.
Í løtuni liggja allir teir smáu trolbátarnir við bryggju, men væntandi fer onkur út aftur, tá veðrið batnar.
Eitt garnaskip fiskar svartkalva, men teir hava smáligan fiskiskap.
Tvey garnaskip fiska havtasku.
- Skipini, sum fiska havtasku, hava brúkiligan fiskiskap og landa væntandi miðskeiðis í næstu viku, verður lagt aftrat.