Bretski rocksangarin John Lawton er deyður 74 ára gamal.
John Lawton er best kendur sum sangari á trimum útgávum hjá Uriah Heep í sjeyti árunum – Firefly, Innocent Victim og Fallen Angel. Hann hevur eisini givið tónleik út sum solistur og í øðrum bólkum – eitt nú Les Humphries Singers.
Uriah Heep skrivar í einari fráboðan, at John Lawton doyði brádliga, og hann hevði ikki verið sjúkur upp undir deyðan. Í næstum verður privat jarðarferð hildin.
John Lawton hevur vitjað her í Føroyum og framført Uriah Heep sangir saman við føroyska bólkinum Deiggj.
Á myndini sæst John Lawton saman við manningini í Deiggj. John Lawton er í hvítari skjúrtu.
