Sambært tíðindastovuni NTB, sum vísir til amerikanska herin, hevur USA latið Ukraina eina minni nøgd av vápnum og lóðuri.
Talan er um vápn, sum vóru ávegis úr Iran til houthi-uppreistrarbólkin í Jemen, men sum hald er lagt á.
Sagt verður, at talan eitt nú er um 5000 automatiskar maskinbyrsur av slagnum, AK-47, aðrar maskinbyrsur og riflur og rakettkastarar av slagnum, RPG-7.
Haraftrat verða 500.000 kúlur og annað lóður sent vápnaðu deildunum í Ukraina, veit NTB tíðindastovan at siga í dag.
Seinastu mánaðirnar hevur houthi-uppreistrarbólkurin í Jemen javnan lopið á skipaferðsluna í Reyða Havinum.
Houthi'ararnir siga, at teir stuðla palestinarum og vilja hava Ísrael at taka seg aftur úr Gazageiranum.