Tvey ísfiskalínuskip eru í løtuni til fiskiskap undir Føroyum. Bæði skipini eru á Føroyabanka, og tey koma inn at landa í vikuni sum kemur.
- Skipini fáa mest av toski, hýsu og longu og so nakað av brosmu, vita tey á Fiskamarknaði Føroya at siga í dag.
Sjey frystilínuskip eru eisini til fiskiskap, fýra eru í Eysturgrønlandi og trý undir Føroyum.
Streymurin verður harður fyrst í næstu viku, men batnar, sum vikan gongur.
- Veðrið verður gott, men vit vænta ikki nógvan útróður, tí fiskiskapurin er so vánaligur í løtuni, verður lagt aftrat.
