Besta mansliðið hjá VÍF er rættiliga farið at dubbað seg til kappingina í vetur.
Millum annað skal Bárður Brimvík, ið frammanundan er kendur frá H71, spæla við VÍF, ið somuleiðis hevur fingið Agnar Joensen aftur, eftir at hann síðsta vetur spældi við kollfirðingum.
Somuleiðis verða spælarar sum Regin Joensen, Magnus á Rógvu og Rói Lamhauge aftur at síggja á liðnum hjá VÌF.
Og at enda er eisini Ingi Olsen komin aftur til Vestmannar eftir nøkur ár í Neistanum, og hann skal saman við Dia Midjord venja mansliðið hjá VÍF, umframt at Ingi eisini verður við sum spælari.
