Víkingur váttar í kvøld, at Sámal Erik Hentze verður nýggjur venjari hjá Víkingi. Hetta váttar felagið á Facebook-síðuni í kvøld. In.fo og Bolt.fo hava í eina tíð sett Sámal Erik Hentze, eisini nevndur Bagge, í samband við felagið, sum hann vandi í 2016 og 2017. Les eisini: Hesin verður venjari í Víkingi Hóast brotið við Víking í fjør ikki var pent, so er hann aftur venjari í Gøtu og Leirvík. Bagge var venjari hjá Víkingi í 2016 og 2017, har hann bæði árini megnaði at vinna FM, áðrenn hann heldur óvæntað valdi at blíva venjari hjá NSÍ undan hesum kappingarárinum. In.fo skrivaði fyrr í dag, at Sámal Erik Hentze fór at blíva kunngjørdur í kvøld, tí tað millum annað er innkallað til spælarafund. Víkingur bleiv í ár nummar fimm, sum ikki gevur atgongd til Evropa komandi kappingarár. Maurice Ross byrjaði sum venjari í ár, meðan Sigfríður S. Clementsen tók við í summar. Talan er um ein sáttmála fyri 2019.