TRÝST á PÍLIN undir MYNDINI, og hoyr frá Rás2:
1) Hoyr hvussu tað ljóðaði á Rás2 tá teir avgerandi bóltarnir fóru í gólvið í teimum fimm settunum í U20 manslandsdystinum í EM-kappingini fyri smátjóðir, tá Føroyar taptu 2-3 ímóti Skotlandi. Settmunurin í dystinum var 25-19, 21-25, 25-20, 21-15 og 13-15. Óli G. Samuelsen segði frá dystinum, og Hans Fróði Jensen var viðmerkjari.
2) Hoyr viðmerkjaran, Hans Fróða Jensen taka samanum føroyska avrikið.
3) Hoyr formannin í flogbóltssambandinum taka samanum ein spennandi dyst, sum tíverri ikki koppaði okkara veg í samrøðu við Óla G. Samuelsen.
4) Hoyr samrøðuna Óli G. Samuelsen gjørdi við Hákun H. Weihe, sum tíverri mátti skaddur út við ta mest avgerandi løtuna í fimta setti.
5) Hoyr samrøðuna Óli G. Samuelsen gjørdi við skotska venjaran, Thomas Dowens, ið kundi fegnast um, at hansara menn vendi einum hóttandi tapi til ein søtan sigur.
Fyrr í dag vann Luksemborg 3-1 á Íslandi (24-26, 25-15, 25-16 og 25-23)
Ígjár vann Luksemborg 3-1 á Skotlandi, og Føroyar vunnu 3-1 á Íslandi
Luksemborg hevur seks stig, Føroyar hava fýra stig, Skotland hevur trý stig og Ísland hevur einki stig.
Skulu Føroyar vinna EM fyri smátjóðir krevur tað ein 3-1 ella 3-0 sigur yvir Luksemborg í morgin. Tann dysturin byrjar klokkan 17 í høllini á Hálsi. Óli G. Samuelsen sigur beinleiðis frá dystinum á Rás2.
Ísland og Skotland spæla klokkan 14 í morgin.
