Í dag verða tveir dystir í bólki D í EM endaspælinum í Póllandi og Ukraina. Fyrst spæla Ongland og Frakland og í kvøld tekur Ukraina ímóti Svøríki.
Í dag klokkan 17 verður fyrsti dysturin í bólki D millum Ongland og Frakland. Sky Sports sigur seg vita, at ungi Arsenal leikarin, Alex Oxlade-Chamberlain, byrjar inni á enska landsliðnum í dag. Hann spældi á fyrsta sinni á enska landsliðnum í venjingardystinum ímóti Noreg í mai mánaði.
Sky Sports sigur at enska liðið í dag verður:
Joe Hart Glen Johnson, John Terry, Joleon Lescott, Ashley Cole James Milner, Steven Gerrard(liðsk), Scott Parker, Alex Oxlade-Chamberlain Ashley Young og Danny Welbeck.
Í seinna dystinum í kvøld tekur Ukraina, sum er á heimavølli, ímóti Svøríki í Kiev. Tað verður ein uppgerð millum eina fyrrverandi AC Milan stjørnu og eina núverandi. Andrei Shevchenko var í fleiri ár stjørna á AC Milan liðnum, til hann skifti til enskan fótbólt og er nú aftur at finna í heimligu kappingini.
Á svenska liðnum er Zlatan Ibrahimovic stóra stjørna. Mett verður, at um hann hevur eitt gott endaspæl, so kann Svøríki koma langt. Dysturin byrjar klokkan 19.45
Bólkur D:
Ongland Frakland 17.00
Ukraina Svøríki 19.45
Støðan:
1 Ukraina
2 Frakland
3 Ongland
4 Svøríki
