Á Fiskamarknaði Føroya vita tey í dag at siga, at trý ísfiskalínuskip koma inn at landa í morgin, mánadagin.
Skipini hava eina blanding av toski, hýsu - og so nakað av brosmu og svartkalva.
- Eitt ísfiskalínuskip er eisini á Íslandsrygginum og kemur helst inn at landa seinni í hesi vikuni. Restin av ísfiskalínuskipunum liggja við bryggju í løtuni.
Sjey frystilínuskip eru til fiskiskap. Tvey fiska í íslendskum sjógvi, og fimm fiska í føroyskum sjógvi.
- Streymurin verður harður í vikuni sum kemur, men veðrið verður gott. Vit rokna tí við, at nakað verður av útróðri.
Á Fiskamarknaði Føroya leggja tey aftrat, at meginparturin av veiðini hjá útróðrarbátum er hýsa, men fiskiskapurin er vánaligur.
