Tað var Frankie Jensen, sum ringdi av Sandi í Gekka-spælinum í kvøld. Mamma hansara, Fríbjørg Jensen, hevði fingið fulla plátu, og hon hevði sonin sum fjarritara.
Høvuðsvinningurin var á 130.000 krónur, sum kundi deilast í teir tríggjar leyparnar, men Fríbjørg Jensen valdi at koyra alt í reyða leypin.
Tá verturin, Magnus Magnussen, hevði víst, hvørjir leypavinningarnir vóru, helt Frankie fyri, at mamman hevði gott eyga á hitapottinum, um hon skuldi komið á annan leyp enn hin reyða.
Bæði í fyrsta og øðrum drátti steðgaði hjólið á somu 15.000 krónum, men Fríbjørg Jensen hevði hug at royna triðja og seinasta møguleikan eisini.
Í triðju royndini steðgaði hjólið á gula leypinum, og nú hildu mong, at hitapotturin, sum hon hevði so gott eyga á, var komin í hús!
Men, tá verturin enn einaferð hevði fortalt um frálíku leypavinningarnar, var Fríbjørg Jensen ikki longur so vís í bjálvaða hitapottinum.
Knappliga fekk hitapotturin ovurstóra kapping frá góða og lokkandi Apple-pakkanum, sum eisini gjørdist vinningurin hjá henni í kvøld.
Frankie Jensen var komin suður í Sandoynna á Eplafestival, men hesin er nú útsettur vegna koronu. Tískil høvdu tey bæði sett seg at spæla Gekk.
Og Fríbjørg Jensen fekk ein fínan vinning við Apple-pakkanum!
