Heilsufrøðiliga Starvsstovan ávarar nú ímóti einum slagi av quinoa. Ávaringin kemur tí hetta slagið av quinoa er kanska selt í Føroyum. Heilt ítøkiliga er talan um Valsemøllen Quinoa øko 200 g. Vørunummarið er 11973 og tað er best fyri 11.08.2021, 26.10.2021 og 11.01.2022. EAN-strikukotan er 5701075202287.
Orsøkin til ávaringina er, at kanningar hava víst, at tað eru ov stórar nøgdir av týningarevninum, ethylenoxid í tí, og ethylenoxid í stórum nøgdum kann elva til krabbamein.
Heilsufrøðiliga Starvsstovan sigur, at skuldi onkur ligið inni við hesum, eru hyggjuráðini at koyra tað í skrell, ella at lata vøruna aftur í handalin, haðani tað er keypt.
