Tað hevur regnað óvanliga illa í Bretlandi, og regnið hevur elvt til stórar trupulleikar. Sambært løgregluni eru minst trý fólk druknað, og fleiri hundrað hava bjargað sær upp á húsatekjur, har tey sita og bíða eftir hjálp.
Samstundis hava fleiri túsund fólk mist streymin.
Í South Yorkshire er vandi fyri, at ein byrging fer at skrædna, og fleiri hundrað fólk eru flýdd burtur haðani, sigur BBC.
Løgreglan og bjargingarliðini siga, at tey minnast ikki, at tað hevur regnað so illa í Bretlandi fyrr.
