Starvið sum vatnmeistari í Sands kommunu er leyst at søkja.
Kommunan er lítil í fólkatali, umleið 540 fólk, men stór í vavi. Økið tú skal taka tær av er nærri lýst niðanfyri.
Høvuðsuppgávur
- Hava eftirlit við og viðlíkahalda alt vatnøkið, herundir reinsiverkið.
- Viðlíkahald og útbygging av vatnkervinum
- Ráðgeva kommununi á økinum
- Samskifta við veitarar og borgarar
- At skráseta vatnleiðingar og leiðingar annars í lendinum í Sands kommunu.
Talan er um parttíðar starv, har starvsbrøkur verður avtalaður við umsitingina
Løn
Lønin er sambært sáttmála millum KAF og føroya handverkarafelag
Umsóknin
Fleiri upplýsingar um starvið fáast frá Hera Sverrason, borgarstjóra á telefon 211930
Umsóknarfreistin er mánadagin 04. desember 2023. Umsóknir við prógvum og viðkomandi skjølum verða at senda til: sandur(at)sandur.fo – viðmerk “Starvsumsókn”
