TRÝST á PÍLIN undir MYNDINI, og hoyr samrøðuna Rás2 gjørdi við VB-veteranin, Gurið K. Augustinussen aftaná Gurið og liðfelagarnir høvdu vunnið 26-22 (13-11) á H71 í Hoyvíkshøllini.
Gurið K. Augustinussen, sum tók nógv tøk í verjuni, og eisini skoraði trý mál staðfestir, at hon og liðfelagarnir máttu arbeiða fyri sigrinum ímóti einum ungum og evnaríkum H71-liði, sum stríðist alla tíðini, og ongantíð gevur upp. Seinastu átta minuttirnar fór VB tó frá H71, og fekk hálað sigurin heim.
Komandi leygardag møtast nummar tvey og trý, Kyndil og VB í høllini á Hálsi í Havn. Bæði liðini hava 20 stig, og Gurið K. Augustinussen sær góðan møguleika fyri, at VB kann fáa stig við sær frá tí dystinum.
Royndi VB-spælarin greiðir frá, at samansetingin á liðnum í ár er heilt serlig, har talan er um royndar spælarar, fýra evnaríkar ungar danskar kvinnur, sum hava gingið á ítróttarskúlanum í Vági, og so eisini nakrar ungar lokalar kvinnu. Men Gurið K. Augustinussen heldur, at blandingin saman við venjaranum, Rasmus Stensgaard, sum er ein góður venjari roynist væl.
Úrslitini í hvonndeildini í dag:
Neistin-Stjørnan 21-24 (7-9). Toppskjúttar: Neistin: Daniella Joensen og Eir Berg, 7 mál hvør. Stjørnan: Tóra Eliasen 10 mál.
StÍF-Kyndil 18-32 (8-19). Toppskjúttar: StÍF: Erla Petersen, 8 mál. Kyndil: Bára K. Hansen, 14 mál.
H71-VB 22-26 (11-13). Toppskjúttar: H71: Eva Barba Arge, 6 mál. VB: Mathilde M. Pedersen, 9 mál.
Støðan:
