Besta kvinnuliðið hjá VB hevur havt eitt misjavnt kappingarár í Hvonn-deildini, sum er besta kvinnudeildin í hondbólti. Nú er greitt, at venjari, Claus Rasmussen, ikki heldur fram í felagnum.
VB hevur ikki klárað at blanda seg upp í FM finalu stríðið í landskappingini, meðan tær blivu akkurát ov stuttar til steypafinaluna, eftir umstríddu seinnu hálvfinaluna, sum bleiv flutt upp til fleiri ferðir.
Claus Rasmussen váttar fyri in.fo í dag, at hann ikki longur er venjari hjá felagnum. Hann er ikki við liðnum, sum í dag er í Klaksvík og spælir móti Stjørnuni. Sum skilst, so stendur Egill Steintórsson á odda fyri liðnum í dag.
Hvonn-deildin:
Neistin – StÍF (14.30) Beinleiðis á Rás2
Stjørnan – VB (15.00)
