Føroyska veðurstovan roknar við, at tað verður fitt av vindi alt vikuskiftið. Bæði í dag og í morgin verður upp í skrið, og tað kunnu koma harðari hvirlur.
Veðurstovan sigur, at í dag vera 13-18 m/s av útsynningi, í støðum upp í 23 m/s og hvirlur. Fyrst klárt og turt, seinni skýggjað og í nátt ælaveður. Hitin verður millum 6 og 10 stig.
Sunnudagin vera 15-20 m/s av útsynningi, í støðum upp í 23 m/s og hvirlur. Samdrigið og nakað av regni. Hitin verður millum 5 og 8 stig.
