Føroyski landsliðsbakkurin, Viljormur í Heiðinum Davidsen var ikki at síggja á vøllinum, men sat uttanfyri við skaða, tá Vejle á heimavølli í Nørreskoven í Vejle í dysti í næstbestu donsku fótbóltsdeildini vann 2-1 á Næstved.
Sigurin var sera týdningarmikil fyri Vejle, sum lyfti seg upp frá botninum. Jacob Egiris legði Vejle á odda, tá 22 minuttir vóru farnir av fyrra hálvleiki. Átta minuttir seinni økti Dominic Vinicius til 2-0. Dominic Vinicius hevur við sínum málum verið sera týðandi fyri Vejle. Stutt undan leikloki minkaði Næstved um munin til 2-1, sum gjørdis endaliga støðan.
Sera tætt er millum liðini í næstbestu donsku fótbóltsdeildini, og lítið skal til at gera eitt lop á stigatalvuni. Tað gjørdi Vejle so í kvøld, uttan Viljorm Davidsen.
Støðan :
| 1 | Vendsyssel FF | 17 | 9 | 3 | 5 | 28 - 22 | 30 | |
| 2 | Hobro | 17 | 8 | 4 | 5 | 29 - 17 | 28 | |
| 3 | HB Køge | 17 | 6 | 8 | 3 | 19 - 13 | 26 | |
| 4 | FC Roskilde | 17 | 7 | 5 | 5 | 20 - 22 | 26 | |
| 5 | FC Helsingør | 17 | 6 | 7 | 4 | 24 - 19 | 25 | |
| 6 | Vejle | 17 | 6 | 6 | 5 | 24 - 15 | 24 | |
| 7 | Fremad Amager | 17 | 6 | 6 | 5 | 24 - 21 | 24 | |
| 8 | Skive | 16 | 7 | 2 | 7 | 16 - 26 | 23 | |
| 9 | Nykøbing FC | 16 | 6 | 3 | 7 | 20 - 22 | 21 | |
| 10 | Fredericia | 17 | 5 | 5 | 7 | 15 - 22 | 20 | |
| 11 | Næstved | 17 | 5 | 3 | 9 | 26 - 31 | 18 | |
| 12 | AB Gladsaxe | 17 | 3 | 2 | 12 | 19 - 34 | 11 |
