Verjin hjá Marius Borg Høiby biður rættin um at taka atlit til møguligar samkenslur ella mótkenslur í málinum móti soninum hjá norsku krúnprinsessuni.
– Tað, sum kann lýsast sum ringur framferðarháttur ella ringur moralur, men sum ikki á nakran hátt kann revsast sambært revsilógini, skulu vit síggja burtur frá. Tað er óviðkomandi, sigur verjin, Petar Sekulic, í rættinum í morgun, sambært VG.
Hósdagin er seinasta royndin hjá teimum báðum verjunum í málinum, Ellen Holager Andenæs og Petar Sekulic, at sannføra dómararnar um, at Høiby ikki skal verða dømdur fyri ákærurnar, sum hann noktar seg sekan í, og er endaður á einum rættarmáli, sum hevur varað yvir seks vikur.
Sekulic leggur dent á, at próvbyrðan liggur hjá ákæruvaldinum, og at tað ikki er Høiby "sum skal prógva sína sakloysi".
Í gjár kravdi ákæruvaldið sjey ár og sjey mánaðir fongsulsrevsing fyri tær 40 ákærurnar, harav 39 skulu dømast. Ákærurnar fevna um fýra ákærur um neyðtøku, álop og upptøkur av kynsligum ágangi.
Høiby hevur noktað seg sekan í álvarsligastu ákærunum, eitt nú neyðtøku, men viðgingið álop, vandalismu og kynsligan ágang.
Hóast rættarmálið endar hósdagin, so verður dómurin væntandi ikki fyrr enn seinni.
/Ritzau/
