Tað sum beiggin vildi siga í greinini var, at upplýsingarnar hjá sjónvarpinum ikki vóru rættar – at tey hava fingið fatur á einum gomlum ákæruriti.
Sosialurin hevur ikki innlit í tær upplýsingarnar, sum sjónvarpið hevur, so vit kunnu ikki siga, at sjónvarpið ikki hevur gjørt sítt journalistiska arbeiði til lýtar og soleiðis borið ósannindi. Vit vildu siga søguna hjá beiggjanum, og ætlanin var ikki at seta niður á journalistiska arbeiðið hjá Kringvarpinum.
Vit viðganga, at tað ikki er í tráð við góðan fjølmiðlasið, at vit ikki góvu Kringvarpinum høvi at svara, og tí átti tað brotið ikki at verið við, fyrr enn kringvarpið slapp at svara, og tí biða vit tey umbera okkum tað.
Eirikur Lindenskov,
ábyrgdarblaðstjóri,
Sosialurin
