Áki D. Samuelsen heldur fram við at gera vart við seg í næstbestu norsku fótbóltsdeildini, og í dag skoraði hann aftur fyri Ranheim.
Ranheim tapti 1-2 fyri Åsane á útivølli. Åsene legði seg á odda longu eftir 15 minuttirs spæl, og tíðliga í seinna hálvleiki økti teir til 2-0 við einum brotssparki.
Áki fekk spenning í aftur dystin í 70. minutti, tá hann hegnisliga inni í brotsteiginum fekk beint bóltin í málið. Hetta var triðja málið hjá Áka í næstbestu deildini í Noregi hetta kappingarárið.
Ranheim er nummar 12 í deildini við 10 stigum fyri átta dystir.
Komandi leygardag klokkan 15 hevur Ranheim dyst á heimavølli móti Aalesund.
HER ber til at síggja hæddarpunktini frá dystinum Åsane-Ranheim 2-1 (1-0):
##med2##
