Tað hevur ikki gingist væl hjá Brandi Hendriksson og liðfeløgunum í Helsingborg í næstbestu svensku fótbóltsdeildini í seinastuni, men ígjár kom Helsingborg á sigurskós aftur og vunnu seg uppá triðja plássið.
Helsingborg vann 4-1 á Falkenberg, ið annars kom á odda 1-0 longu í 9. minutti. Stóru hetjurnar hjá Helsingborg vóru Adam Kaled og Anthony van den Hurk sum skutu tvey mál hvør. Adam Kaled javnaði í 35 minutti, og í steðginum var støðan javnleikur 1-1. Helsingborg fekk trý mál uppá 20 minuttir í seinna hálvleiki.
Helsingborg hevur 43 stig og hevur fýra stig upp til Sundsvall, ið liggur næstfremst í deildini við 47 stig. Nummar eitt og tvey í Superettan flyta upp í Allsvenskan. Nummar trý spælir upp- og niðurflytingardyst móti triðaftasta liðnum í Allsvenskuni.
Komandi týskvøld tekur Helsingborg móti GAIS á heimavølli.
HER ber til at síggja hæddarpunktini frá dystinum millum Falkenberg og Helsingborg:
##med2##