Aftaná eina rættiliga góða byrjan fimm teir fyrstu dystirnar í næstbestu svensku fótbóltsdeildini við tveimum sigrum og trimum javnleikum vóru Brandur Hendriksson og liðfelagarnir í Helsingborg fyri fyrsta tapinum hetta kappingarárið.
Á heimavølli í vikuskiftinum tapti Helsingborg 0-1 fyri Östers. Brandur Hendriksson spældi allan dystin. Sigursmálið hjá Östers kom stutt aftaná steðgin.
Helsingborg er nummar seks av teimum 16 liðunum í deildini við níggju stigum fyri seks dystir. Tvey stig eru upp til Sundsvall á øðrum plássi. Tvey tey ovastu liðini flyta upp í Allsvenskuna tá kappingarárið er liðugt. Liðið sum endar á triðja plássi spælir upp- og niðurflytingardystir móti triðniðasta liðnum í Allsvenskuni.
Um átta dagar spælir Helsingborg móti GAIS á útivølli í Göteborg. GAIS er á triðja plássi við 10 stigum.
HER ber til at síggja hæddarpunktini frá dystinum millum Helsingborg og Östers:
##med2##
