Brandur Hendriksson og liðfelagarnir í Helsingborg eru framvegis ósigraðir í næstbestu svensku fótbóltsdeildini aftaná fýra umfør.
Ígjár tók Helsingborg móti Eskilstuna á heimavølli og eydnaðist tað heimaliðnum at vinna 1-0.
Sigursmálið kom beint undan steðginum. Brandur legði eina harða sending inn í brotsteigin hjá Helsingborg har Viktor Lundberg elegant beindi bóltin fyri føturnar á Wilhelm Loeper, ið hegnisliga sendi bóltin í netið til 1-0.
Helsingborg er næstfremst í deildini við átta stigum. Värnamo er fremst við níggju stigum. Östers og GAIS eru beint aftanfyri Helsingborg við sjey stigum.
Komandi sunnudag spælir Helsingborg á útivølli móti Brage sum liggur aftast í deildini við bert einum stigi.
HER ber til at síggja hæddarpunktini frá dystinum:
##med2##