Elias Ellefsen á Skipagøtu gjørdi aftur vart við seg tá Sävehof spældi dyst í bólki C í EHF European League ígjár.
Sävehof vann 35-31 á Gorenje á útivølli í Slovenia.
Elias skoraði sjey mál uppá 11 málmøguleikar. Toppskjútti hjá Sävehof var Sebastian Karlsson við níggju málum. Í steðginum var Sävehof á odda 16-15. Móti dystarenda skoraði Elias tvey mál sum vóru avgerandi fyri, at munurin á máltalvuni fall til Sävehof. Elias gjørdi nøkur rimmar mál, harímillum ein vakran "flúgvara", og hann hevði eisini nakrar framúr fríspælingar til liðfelagarnar.
Sävehof hevur gjørt tað framúr í EHF European League við fýra sigrum í fimm dystum, harímillum tveir sigrar á útivølli.
Magdeburg er oddalið í bólki C við níggju stigum. Sävehof og Nexe hava átta stig. La Rioja hevur fimm stig, Gorenje hevur trý stig og Aix hevur eitt stig.
Komandi týskvøld verður útsetti oddadysturin í bólkinum millum Sävehof og Magdeburg í Partille. Ein stór og spennandi uppgáva hjá Eliasi og liðfeløgunum.
HER ber til at síggja hæddarpunkt frá dystinum í Slovenia ígjár. Njótið detaljurnar hjá Eliasi, ið eru framúr:
##med2##