Aftaná at hava verið uttanfyri við skaða í trimum dystum, so var landsliðsbakkurin, Samuel Chukwudi aftur á vøllinum fyri SJK Seinäjoki í dag. SJK leikti dyst á útivølli móti Oulu í bestu finsku fótbóltsdeildini.
Samuel var við frá dystarbyrjan, og var skiftur út aftaná 60 minuttir. Tá Samuel fór av vøllinum var støðan javnleikur 0-0. Liðini skutu tvey mál hvør seinasta hálva tíman, men SJK kann iðra seg um, at Oulu javnaði til 2-2 í tíðini dómarin hevði lagt aftrat.
Men sæð við føroyskum landsliðsbrillum var tað gott, at Samuel var á vøllinum aftur.
SJK er nummar nummar fimm í deildini við 15 stigum.
Nú fer Samuel at hugsavna seg um dystirnar hjá føroyska landsliðnum á útivølli móti Georgia komandi hósdag klokkan 17, og EM-undankappingardystin móti Gibraltar á Tórsvølli, mánakvøldið 9. juni klokkan 19.
HER ber til at síggja ein samandrátt frá dystinum AC Oulo-SJK Seinäjoki 2-2 (0-0):
##med2##
