Fyri fyrstu ferð í átta dystum var Sonni Ragnar Nattestad við aftur á liðnum hjá Dundalk FC í bestu írsku fótbóltsdeildini.
Aftaná landsdystirnar móti Moldova, Eysturríki og Skotlandi mátti Sonni Ragnar í eitt langt sóttarhald á einum gistingarhúsi, men nú hevur hann aftaná nakrar vikur strítt seg innaftur á liðið.
Í vikuskiftinum leikti Dundalk javnleik 1-1 á útivølli móti Finn Harps. Heimaliðið kom á odda 1-0 tá 20 minuttir vóru farnir. Stutt aftaná steðgin javnaði fyrrverandi KÍ-arin, Ole Erik Midtskogen til 1-1 við einum góðum stútara.
Sonni Ragnar Nattestad var við í onkrari góðari álopsstøðu hjá Dundalk har hann við góðum stútara legði inn fyri í brotsteigin hjá Finn Harps. Sonni Ragnar fekk eisini eitt gult kort tá eitt korter var eftir av vanligu leiktíðini.
Fríggjakvøldið klokkan 19.45 tekur Dundalk móti oddaliðnum, Shamrock Rovers á heimavølli.
Shamrock Rovers hava 27 stig aftaná átta sigrar og tríggjar javnleikir í 11 dystum. Dundalk er nummar sjey av teimum 10 liðunum í deildini við 11 stigum fyri 11 dystir.
HER ber til at síggja hæddarpunktini frá dystinum millum Finn Harps og Dundalk:
##med2##