Størsti miðilin í Noregi, VG (Verdens Gang) hevur gjørt rættiliga nógv burturúr glæsiliga 3-0 sigrinum hjá KÍ á Ferancvaros í Champions League undankappingardystinum í Budapest í farnu viku.
HER ber til at síggja eitt videobrot, ið VG hevur lagt út um móttøkuna KÍ fekk í Klaksvík, tá teir komu aftur úr Budapest.
Í videobrotinum er ein lítil samrøða við høvuðsvenjaran hjá KÍ, norska Magne Hoseth.
Magne Hoseth samanber sigurin við, at tað svarar til, at ein lítil bygd í Noregi vinnur á einum stórbýi.
Magne Hoseth staðfestir eisini, at tað hevði verið søguskriving fyri føroyskan fótbólt um KÍ megnar at vinna seg í eitt bólkaspæl.
