VÍF vann í Klaksvík og KÍF vann á Neistanum

Tveir dystir eru leiktir í Burn mansdeildini hetta vikuskiftið.

VÍF vann ígjár ein tepran 28-27 sigur á Team Klaksvík í Badmintonhøllini í Klaksvík, har Team Klaksvík enn einaferð prógvaði, at teir skulu takast í størsta álvara hetta kappingarárið. VÍF var greitt á sigurskós í fyrra hálvleiki, og í steðginum var VÍF á odda 15-9, men Team Klaksvík stríddi seg innaftur í dystin, og lítið restaði í, at Team Klaksvík fekk eitt stig.

Team Klaksvík-VÍF 27-28 (9-15)

Málskjúttar Team Klaksvík: Vuk Stevanovic 12, Valentino Valentakovic 7, Kjartan á Gravarbø 2, Hans Arni Thomsen 2, Sámal á Tjaldrafløtti 1, Vilhelm Vilhelmsen 1, Tummas Simonsen 1, Jens Pauli Mohr 1. 

Málskjúttar VÍF: Hallur Árason 7, Rúni Fossdal 7, Filip Jojic 6, Magnus Müller 3, Hanus Christophersen 2, Óla Jákup G. Olsen 1, Tróndur Johnsson 1, Kristian Jensen 1. 

Í dag var dystur í høllini í Kollafirði millum KÍF og Neistan. Kollfirðingar vunnu 28-25. Í steðginum var Neistin á odda 13-12. 

KÍF-Neistin 28-25 (13-12)

Málskjúttar KÍF: Hans Eli Sigurbjørnsson 8, Nicklas Selvig 8, Tony Weyhe 4, Fríði Weyhe 2, Baldur Gillason 2, Morten Kristensen 2, David Edvardsen 1, Atli Hammer 1. 

Málskjúttar Neistin: Rasmus Søby 11, Johannes Bjørgvin 4, Tróndur Kragesteen 4, Isak Vedelsbø 2, Felix Már Kristjánsson 1, Ágúst Ingi Óskarsson 1, Hanus Árason 1, Vladan Abramovic 1.