Aftaná nógva mótgongd er tað farið at bragda hjá Vilhelmi Poulsen og liðfeløgunum í Lemvig-Thyborøn í bestu donsku hondbóltsdeildini.
Aftaná 12 teir fyrstu dystirnar í bestu deildini hevði liðið bert fýra stig.
Men nú hevur liðið vunnið tveir dystir á rað, og hevur vunnið seg upp á átta stig.
Lemvig-Thyborøn vann í dag á heimavølli 30-27 á Midtjyllandi. Heimaliðið legði góðan botn í fyrra hálvleiki. Í steðginum var Lemvig-Thyborøn á odda 16-12.
Vilhelm skoraði eitt mál fyri Lemvig-Thyborøn í dag.
Komandi fríggjakvøld spælir Lemvig-Thyborøn á útivølli móti Fredericia.
Støðan:
Nr. | LIÐ: | Dystir | Stig |
1 | Aalborg | 14 | 25 |
2 | GOG | 14 | 25 |
3 | Bjerringbro/Silkeborg | 14 | 20 |
4 | KIF Kolding | 14 | 20 |
5 | Skjern | 14 | 19 |
6 | Ribe-Esbjerg | 13 | 14 |
7 | Skanderborg Aarhus | 14 | 14 |
8 | Fredericia | 14 | 14 |
9 | TTH | 13 | 13 |
10 | SønderjyskE | 14 | 8 |
11 | Lemvig-Thyborøn | 14 | 8 |
12 | Mors-Thy | 14 | 8 |
13 | Nordsjælland | 14 | 6 |
14 | HC Midtjylland | 14 | 0 |