Viljormur Davidsen var liðskipari, tá hann og liðfelagarnir í Helsingborg taptu stórt 0-5 fyri oddaliðnum, Häcken í Göteborg í kvøld.

Tað eydnaðist Viljormi og liðfeløgunum at halda málið reint til 32 minuttir vóru farnir. Í seinna hálvleiki fekk Häcken trý mál uppá 14 minuttir, og so var alt avgjørt.

Í fyrra hálvleiki hevði Helsingborg tó nakrar góðar málmøguleikar. 

Oscar Uddenäs skoraði reint hattrick fyri Häcken í kvøld.

Hetta var 17. ferðin á rað, at Helsingborg ikki megnaði at vinna á Häcken á útivølli. 

Helsingborg liggur næstaftast í bestu svensku fótbóltsdeildini við 10 stigum. Teir eru eitt stig aftanfyri Degerfors sum hevur 11 stig. Liðið sum endar triðaftast spælir tveir Play Off dystir móti triðbesta liðnum í næstbestu deildini móti kappingarenda. Helsingborg hevur sjey stig upp til fjórðaftasta plássið.

Komandi leygardag hevur Helsingborg heimadyst móti Sirius. 

HER ber til at síggja hæddarpunktini frá dystinum millum Häcken og Helsingborg: 

##med2##