Tríggir føroyingar vóru í leiki í næstbestu donsku fótbóltsdeildini í dag.
1.100 áskoðarar vóru til uppgerðina á leikvøllinum í Sundby á Amager, har heimaliðið, Fremad Amager tók ímóti Vejle, sum hevði Viljorm Davidsen við frá byrjan. Finnur Justinussen kom á vøllin fyri Fremad Amager, tá eitt lítið korter var eftir av dystinum.
Fremad Amager var á odda 2-1 í steðginum. Vejle tryggjaði sær sigurin við tveimum málum ímóti dystarenda, sum Jacob Schoop og Dominic Vincenius skoraðu.
Meinhard E. Olsen var við frá byrjan, tá Vendsyssel FF á heimavølli í Hjørring leikti javnleik 1-1 ímóti Næstved. Næstved kom á odda í 23. minutti. Tiago de Leonco javnaði fyri Vendsyssel FF við einum brotssparki, tá ein tími var farin av dystinum. Tiago de Leonco vann sjálvur brotssparkið fyri Vendsyssel FF. Næstved liggur næstaftast á stigatalvuni, og tí eru tey vónbrotin um úrslitið í Vendsyssel FF. Meinhard E. Olsen var skiftur út í seinna hálvleiki.
Komandi sunnudag vitjar Vendsyssel AB í Gladsaxe. Sama dag spælir Fremad Amager á útivølli ímóti Fredericia FC. Hendan dagin er Vejle eisini á útivølli. Teir spæla ímóti Næstved.
Støðan í næstbestu donsku fótbóltsdeildini. Nummar eitt flytur upp, og nummar tvey og trý spæla play off dystir ímóti næstniðasta og triðniðasta liðnum í superliguni:
| # | ||||||||
|---|---|---|---|---|---|---|---|---|
| 1 | Hobro | 27 | 15 | 5 | 7 | 49 - 29 | 50 | |
| 2 | Skive | 27 | 15 | 2 | 10 | 38 - 41 | 47 | |
| 3 | FC Helsingør | 27 | 12 | 10 | 5 | 39 - 25 | 46 | |
| 4 | Vendsyssel FF | 27 | 12 | 6 | 9 | 40 - 36 | 42 | |
| 5 | FC Roskilde | 27 | 12 | 6 | 9 | 38 - 37 | 42 | |
| 6 | HB Køge | 27 | 8 | 13 | 6 | 24 - 20 | 37 | |
| 7 | Vejle | 27 | 9 | 8 | 10 | 41 - 36 | 35 | |
| 8 | Fredericia | 27 | 9 | 8 | 10 | 27 - 34 | 35 | |
| 9 | Fremad Amager | 27 | 8 | 9 | 10 | 37 - 38 | 33 | |
| 10 | Nykøbing FC | 27 | 9 | 6 | 12 | 36 - 42 | 33 | |
| 11 | Næstved | 27 | 7 | 6 | 14 | 37 - 44 | 27 | |
| 12 | AB Gladsaxe | 27 | 5 | 3 | 19 | 27 - 51 | 18 |
