Føroyska manslandsliðið hevur havt tíðindafund á Tórsvølli undan EM-undankappingardystinum móti Kekkia, sum verður í annaðkvøld klokkan 19.45.
Í november í fjør tapti føroyska landsliðið heili 5-0 í venjingarlandsdysti móti Kekkia. Hesin dysturin vísti greitt, at tað er stórur munur á einum føroyskum liði uttan nakrar av profilunum, og einum sterkum kekkiskum liði.
Miðskeiðis í fyrra hálvleiki á Olomouc leikvøllinum í Kekkia máttu føroysku spælararnir sláa ring. Lokali Mojmír Chytil hevði tá skotið hattrik. Úrslitið var ein trýmans miðverja. Liðskipari tann dagin var Viljormur Davidsen.
- Ja, eg minnist væl at eg samlaði spælararnar á vøllinum. Vit tosaðu um at standa saman og kempa. Vit máttu aftur til at spæla ein minutt á gangin og fáa sett propp í eina løtu, fortelur Viljormur Davidsen.
Hann vónar, at føroyska liðið hevur lært nakað av tí dystinum til í annaðkvøld. Varaliðskiparin á landsliðnum vísur eisini á, at tað er á Tórsvølli at vit hava havt nakar av okkara størstu sigrum og bestu avrikum.
