Vit fegnast um framgongdina

- Í gjár var In.fo fyri fyrstu ferð framman fyri Portal.fo í tali á brúkarum, og tað fegnast vit um í dag, sigur Jonhard Hammer, stjóri í Miðlahúsinum.

Miðlahúsið røkt tíðindaflutningin á Portalinum, og tá ið hann varð selt til Knassar, gjørdi Miðlahúsið sin egna tíðindaportal, sum varð kallaður in.fo.

- Í gjár var In.fo fyri fyrstu ferð framman fyri Portal.fo í øllum uppgerðum hjá Vevlistanum. In.fo hevði fleiri brúkarar, fleiri vitjanir og fleiri sýndar síður enn Portal.fo.

- Hetta fegnast vit um, og tí hava vit boðið starvsfólkunum eina máltíð í dag, sigur Jonhard Hammer.

- Vit eru í góðari og sunnari kapping við Portal.fo og aðrar tíðindaportalar – ikki í kríggi, sum Norðlýsið vildi vera við. 

- Og tá vit nú hava tikið eitt so stórt og støðugt tak í langa tíð fyri at røkka einum máli, skulu vit eisini duga at fegnast um tað, sigur hann.

- Tá ið vit hava etið døgurðan í dag, fara vit beint aftur til arbeiðis fyri at geva øllum føroyingum tíðindi og viðkomandi tilfar í øllum okkara miðlum, sigur Jonhard Hammer.