Tað er Tóra Johansen, sum eigur og rekur Vøgguna.
Upprunaliga hevur handilin røtur aftur til ár 2000, tá Vøggan læt upp, og tað var í 2007, at Tóra keypti fyritøkuna.
Handilin er í høvuðsstaðnum, og adressan er Heykavegur 4 á Hálsi, og her verður húsast undir góðum umstøðum á umleið 200 fermetrum.
Sæddir og hoyrdir
Tóra Johansen sigur, at tað er av stórum týdningi, at viðskiftafólk kenna seg trygg við at keypa í Vøgguni.
- Kundarnir vera altíð møttir við einum smíli, tá teir koma á gátt, og starvsfólkini eru altíð klár at veita holla vegleiðing. Vit vilja møta okkara kundum, har tey eru, og vit vilja altíð vera góð í ráðum, um fólk ivast í onkrum.
Handilseigarin vísir á, at tað er týdningarmikið, at gullklumparnir, sum børnini eru, koma trygt frá byrjan.
- Í hesum liggur, at børnini hava ein góðan og tryggan bilstól til tann fyrsta túrin í bilinum – ein barnavogn at sova sín søta svøvn í og eina song til náttarsvøvnin.
Tóra sigur, at annað, sum Vøggan selur, er eitt gott baðikar til kropsrøkt, leiku til sansa-og rørslustimbran, klæðir á kroppin, borðstól til máltíðirnar og ymiskt annað.
##med2##
- Allar hesar vørubólkarnar hava vit í handlinum og í bestu góðsku, leggur hon aftrat.
Handilseigarin vísir á, at nøkur av merkjunum, sum Vøggan selur, eru: Emmaljunga, Basson, Cybex, Maxi Cosi, BeSafe, Done By Deer, Babydan, Leander, Stokke, Nomi, Medela, MAM, Bibs, Neonate, bObles, Modu, Hus & Claire, Mads Nørgaard, MP, Hummel, Mamalicious, Joha og mong onnur.
- Tilsamans umboða vit fleiri enn 80 merki, leggur hon aftrat.
Til mammuna selur Vøggan bæði vónar-og geviklæðir, umframt vørur til kropsrøkt og bróstageving til kvinnuna, sum er við barn og eftir barnsburð.
Væl vitjaður nethandil
Tá korona legði landið stilt í mars 2020, læt nethandilin hjá Vøgguni - www.vøggan.fo - upp.
- Síðan tá kunnu vit siga, at vit hava fingið ein handil aftrat. Nethandilin hevur fleiri enn 600 vørur, sum eru til keyps umframt vørur, ið bert kunnu keypast í handlinum, men vera vístar á heimasíðuni.
##med3##
Tóra Johansen sigur, at nethandilin er í støðugari menning, og her verður miðjað eftir at fáa mest sum allar vørurnar, sum eru í handlinum, tøkar á nethandlinum.
- Tað skal vera lætt hjá okkara viðskiftafólki at brúka nethandilin, her vit røkka viðskiftafólkum kring alt landið, sigur hon.
Vøggan er eisini at finna á Facebook og Instagram.
Verkstaður og leiga
Eitt, sum er serstakt við handlinum og tænastuni hjá Vøgguni, er, at tey hava ein vognverkstað, har til ber hjá viðskiftafólk at koma við vogninum til sýn ella umvælingar.
- Av tí, at Emmaljunga veitir ein 2-ára servicu-pakka, er tað av stórum týdningi, at vit hava møguleika at gera umvælingarnar á staðnum, sigur Tóra Johansen.
Av øðrum tænastum hevur Vøggan eisini útleigan av bilstólum, og tá verður mest hugsað um fólk, sum koma higar til lands at ferðast og steðga í nakrar dagar.
- Vit hava eisini ferðataskur, sum fólk, ið fara uttanlands við vogni, kunnu leiga, meðan tey eru burtur. Ferðataskan er eitt rullikuffert, sum samanlagdi vognurin fæst niður í, sigur hon.
##med4##
Eingin handil í Klaksvík
Fyri einum ári síðan læt Vøggan eisini handil upp í Biskupstorginum í Klaksvík.
Hetta var ein sera góð staðseting, og her vóru góðar umstøður.
- Men, tíverri bar ikki til at fáa rakstur í handilin í Klaksvík, og tí valdu vit at lata handilin aftur – eftir bert einum ári, sigur eigarin av Vøgguni, Tóra Johansen.
##med5##
##med6##
