Voxbotn 2022

Í dag verður árliga tiltakið Voxbotn skotið í gongd

Skráin er pakkað við tilfari til allar aldursbólkar. Klokkan 14:00 letur ókeypis Vita-barnalandið upp á Vaglinum. Her fer tað at bera til at taka barnakoyrikort (5-8 ár), hoppa í hoppiborgum, síggja Bubu og Trøllapætur og ommuna framføra og at hyggja at dansi frá Girl Hop Crew.

 

Klokkan 15:00 verður fyrsta konsertin á skránni. Tað verður ongin minni enn Sement vinnarin Marius Dc, ið kemur at byrja gildið. Frá klokkan 15:00 og 12 tímar fram verður Vágsbotn karmur um 14 konsertir við alskyns sløgum av tónleiki úr ikki færri enn fimm ymiskum londum.