Úrslitið hjá føroyskum vinnulívið er nú so gott sum tað hevur verið síðani 1999, tá ið hagstovan fór at gera gongdina í vinnuni upp.
Hagstovan sigur, at í 2013 var úrslitið næstan tvær ferðir so gott, sum tað var í 2012. Og úrslitið í 2013 var so nógv tað besta síðani Hagstovan fór at gera støðuna upp í 1999.
Úrslitið í 2013 var 743 milliónir betri enn tað var í 2012, men av teimum átti alivinnan 458 milliónir.
Úrslit uttan kapitalpartar er, tá ið yvirskotið, ella undirskotið, móðurfeløg hava av dóttirfeløgum, ikki er við.
Úrslitið uttan kapitalpartar var 1566 miljónir í 2013, samanborið við 824 miljónir í 2012.
Men umframt alivinnuna, er støðan eisini munandi batnað í bólkinum flutningur og samskifti og her er tað sjóflutningur, sum stendur fyri meginpartinum av hesari framgongd.
Eftir stóra afturgongd, í 2012, trífaldaðist útslitið í tilfeingisvinnunum aftur í 2013, sigur Hagstovan.
