Tað skal eingin ivi vera um óvissuna um viðurskiftini millum Ukraina og ES.
Tí eiga ES londini longu nú at játta, at samráðingar um ukrainskan limaskap í samveldinum.
Soleiðis sigur Volodymyr Zelenskyj i dag á tíðindafundi í Kyiv eftir fund við Ursulu von der Leyen, forkvinnu í ES nevndini.
– Nú er tann stundin at taka burtur kunstigu, politisku óvissuan um viðurskiftini millum Ukraina og ES. Nú er tann stundin at góðkenna, at samráðingar fara fram um limaskapin hjá Ukraina í ES, sigur ukrainski forsetin.
Eisini Ursula von der Leyen tosaði á tíðindafundinum um framtíðina hjá Ukraina sum ES land. Tíðarhvarv hennara er tó eitt sindur øðrvísi.
Nevndin fer í oktober at koma við sínum tilmæli til, um tey eiga at fara undir samráðingar, sigur hon.
Síðani verður tað upp til ES londini at taka avgerðina, sum skal verða einmælt.
ES leiðarin nýtir eisini høvi í dag at rósa framstigunum hjá Ukraina, sum hon kallar »framúrskarandi«.
– Ukraina arbeiðir ótroyttiliga og djúptøki, hóast støðan er trupul at fremja nýskipanir mitt í einum kríggi, sigur hon og leggur afturat:
– Sum vit standa her í dag í einum landi, sum er meiningsleyst álopið, vilja nøkur halda, at tað er ómøguligt, ósannlíkt ella ov langt burturi at tosa um eitt frælst og friðarligt Ukraina í ES. Men Evropa snýr seg um at gera tað ómøguliga møguligt.
Ukraina gjørdist kandidatland 23. juni í fjør.
Landið søkti um limaskap í ES 28. februar, bara fýra dagar eftir russisku innrásina.
/ritzau/
