- Heldur Russland fólkaatkvøðu í hertiknu økjunum, um hesi øki skulu gerast partur av Russlandi, verða ongar samráðingar.
Tað sigur ukrainski forsetin, Volodymyr Zelenskyj, sambært Reuters.
Russiskar herdeildir og teirra sameindu loysingarfólk hava nú ræðið á stórum økjum í Donbas-regiónini har eysturi og suðuri í Ukraina.
Sum skilst, ætlar Russland at hava fólkaatkvøður í hesum pørtum av Ukraina – líkum fólkaatkvøðuni, sum varð hildin, tá Russland tók hálvoynna, Krim.
Nógvar atfinningar hava verið av fólkatkvøðuni um Krim, sum ikki er viðurkend av Ukraina og londum í vesturheiminum.
- Um hersetingarvaldið heldur pseudo-fólkaatkvøður, steingja tey samstundis dyrnar fyri sær sjálvum til samrøður við Ukraina og frælsa heimin, sigur forsetin sambært Reuters.
Volodymyr Zelenskyj leggur aftrat, at Russland heilt greitt – fyrr ella seinni - kemur at hava brúk fyri slíkum samráðingum.