in.fo - fyrst og fremst http://example.com some description en-gb TYPO3 News Thu, 30 Jun 2022 15:15:47 +0100 Thu, 30 Jun 2022 15:15:47 +0100 in.fo TYPO3 EXT:news news-407989 Thu, 30 Jun 2022 14:55:00 +0100 Føroyaleikir skotnir í gongd í dag /news-detail/foeroyaleikir-skotnir-i-gongd-i-dag Føroyaleikir, ið byrjaði sum eitt alternativ til Oyggjaleikir, fór í gongd í dag Fyrstuferð Føroyaleikir vórðu hildnir varð í fjør. Eftir at Oyggjaleikirnir, ið skuldu leikast í Guernsey í 2021 blivu avlýstir, varð greitt at Oyggjaleikir ikki vórðu aftur fyrrenn í 2023. Tí tók ÍSF stig til at stovna Føroyaleikirnar, sum eitt alternativ til Oyggjaleikirnar. Hetta er annað árið á rað, at Føroyaleikir eru á skránni. Framyvir er ætlanin at hava Føroyaleikir annaðhvørt ár – tá Oyggjaleikir ikki eru.

 

Seks ítróttagreinar eru á skránni í dag:

 

Tennis í Gundadali. 09:00-22:00

 

Ríðing undir Kráarheyggi. 18:00-20:00

 

Badminton í Stórhøllini 19:00-21:00

 

Pool í Landskrona barr. 19:00-23:00

 

Kurvabóltur í skúlanum á Argjahamri. 20:00-21:00.

 

Borðtennis í Hoyvíkshøllini. 20:00 – 21:00

 

 

 

Føroyaleikir verða leiktir í fýra býum, og tí verða tað fýra setanir. Fyrsta setanin verður í kvøld klokkan 18:00 í Gundadali. Í morgin verða leikirnir settir í Klaksvík. Tað verður klokkan 16:30 við parkeringsøki við Effo. Leygardagin verða leikirnir settir í Runavík og í Vági. Í Vági verður byrjað klokkan 10:00 uttan fyri VB-húsið, og í Runavík byrjar setanin klokkan 10:30 uttan fyri Bylgjuna.

 

Áleið 2000 luttakarar fara at kappast í 20 kappingum, og tað er ókeypis atgongd at fylgja við í hesum kappingunum, ið Føroyar koma at verða karmur um fram til 3. juli.

 

]]>
Tíðindi
news-407987 Thu, 30 Jun 2022 14:15:00 +0100 Nú verður dýrari hjá útlendingum at ferðast í Føroyum /news-detail/utlendingar-skulu-nu-rinda-meiri-ta-id-tey-ferdast-i-foeroyum - Og tey, sum búgva á útoyggj, rinda hálvan prís Nú verður loksins ein nýggj skipan sett í verk fyri tey, sum ferðast við kring landið við tyrluni hjá Atlantsflogi. Tað merkir, at tey, sum búgva á útoyggj, skulu rinda hálvan prís og tey, sum ikki hava bústað í Føroyum skulu rinda munandi meiri fyri ferðaseðilin enn tey gera nú. Hetta er ein skipan, sum hevur verið í umbúna í fleiri ár, men nú verður hon so sett í gildið 1. september í ár

 

Rutuflúgvingin hjá tyrluni knýtir smáu oyggjarnar upp í meginøkið, og í nógvum førum er tyrlan einasti samferðslumøguleikin hjá útoyggjafólki. Tí hava tey, sum búgva á útoyggj ein fyrimun framum onnur í sambandi við tyrluflúgving.

 

Tey rinda nevniliga bara hálvan prís, umframt at tey kunnu bíleggja pláss við tyrluni 30 dagar áðrenn fráferð. Aðrir føroyingar kunnu, í fyrsta lagi, bíleggja pláss sjey dagar frammanundan og útlendingar kunnu bíleggja pláss tveir dagar áðrenn tey ætla at ferðast.

 

– Við at gera tað dýrari hjá ferðafólki við bústaði uttanlands, vóna tey, at at tað verður lættar hjá  útoyggjafólki at fáa pláss við tyrluni. Nýggja prísskipanin sær soleiðis út, at tey, sum búgva í Føroyum, rinda vanligan prís. Men tey, sum búgva á útoyggj, rina hálvan prís, og tey, sum hava bústað uttanlands, rinda trýdupultan prís.

 

Tað merkir, at tá ið tey, sum búgva á meginøkinum í Føroyum,  rinda 100 krónur, rinda útoyggjafólk 50 krónur og tey, sum eru búsett uttanlands, rinda 300 krónur. 

 

]]>
Tíðindi
news-407985 Thu, 30 Jun 2022 14:05:00 +0100 Borac hevur leikt tveir venjingardystir undan dystunum móti B36 /news-detail/borac-hevur-leikt-tveir-venjingardystir-undan-dystunum-moti-b36 Borac Banja Luka leikti sín seinasta kappingardyst 29. mai Mótstøðuliðið hjá B36 í Europa Conference League undankappingini, Borac Banja Luka úr Bosnia fyrireika seg til báðar dystirnar móti B36.

 

Í farnu viku leikti Borac Banja Luka tveir venjingardystir móti liðum úr Slovenia. 

 

Fyrra dystin móti ND Gorica tapti Borac Banja Luka 1-3 (1-2). Væl betur gekk í seinna dystinum móti Celje. Tann dysturin endaði við javnleiki 0-0.

 

Borac Banja Luka hevur ikki leikt ein kappingardyst síðani 29. mai, tá landskappingin í Bosnia Hercegovina endaði. Borac Banja Luka leikar ikki dyst aftur fyrrenn teir møta B36.

 

Fyrri dysturin millum Borac Banja Luka og B36 verður leiktur í Bosnia, hósdagin 7. juli klokkan 17 føroyska tíð (klokkan 19 bosniska tíð). Returdysturin verður leiktur í Gundadali, hóskvøldið 14. juli klokkan 18.

 

 

 

]]>
Ítróttur Fótbóltur
news-407984 Thu, 30 Jun 2022 13:35:00 +0100 Mótstøðuliðið hjá KÍ í Champions League vann eisini móti dystarenda /news-detail/motstoedulidid-hja-ki-i-champions-league-vann-eisini-moti-dystarenda Bodø/Glimt spælir ein dyst aftrat áðrenn teir møta KÍ Mikudagin 6. juli klokkan 17 verður fyrri dysturin í Champions League undankappingini millum Bodø/Glimt og KÍ í Bodø.

 

Eins og KÍ spældi Bodø/Glimt dyst ígjár. Talan var um ein dyst í norsku steypakappingini á útivølli móti Vålerenga.

 

Eins og hjá KÍ í dystinum móti NSÍ við Djúpumýru var tað heilt móti dystarenda, at Bodø/Glimt tryggjaði sær sigurin móti Vålerenga.

 

Klokkan vísti 90 minuttir, tá Ulrik Saltnes skoraði til 1-0, ið gjørdist úrslitið av dystinum millum Vålerenga og Bodø/Glimt.

 

Bodø/Glimt spælir ein dyst aftrat áðrenn teir møta KÍ. Tað verður á útivølli í bestu norsku fótbóltsdeildini klokkan 17. Mótstøðuliðið verður liðið hjá GIlla R. Sørensen, Odd. 

 

Tríggjar dagar aftaná Bodø/Glimt hava spælt heimadystin móti KÍ í Champions League undankappingini spæla teir heimadyst móti Sarpsborg 08 í bestu norsku deildini. Eftir tað ferðast Bodø/Glimt til Klaksvíkar at spæla returdyst. 

 

Bodø er nummar fimm í bestu norsku deildini við 19 stigum. Átta stig eru upp til oddaliðið, Lillestrøm sum hevur 27 stig.

 

 

 

 

 

]]>
Ítróttur Fótbóltur
news-407982 Thu, 30 Jun 2022 13:27:00 +0100 Íbúðir byggjast á Toftum til serligar málbólkar /news-detail/ibudir-byggjast-a-toftum-til-serligar-malbolkar Nes kommuna hevur samtykt at gera eina rammuavtalu við Bústaðir um bygging av fleiri íbúðum á Toftum. Síðan januar 2021 hevur Nes kommuna verið í samskifti við Almannaverkið um bygging av íbúðum til borgarar, ið eru fevndir av tænastum hjá Almannaverkinum.

 

Almannaverkið hevur seinni heitt á Bústaðir um at standa fyri verkætlanini, og nú hevur Nes kommuna samtykt at gera eina rammuavtalu við Bústaðir.

 

- Sambært verkætlanin skulu 18 + 1 íbúðir byggjast á matr. nr. 415o og 415p, sum er økið sunnan fyri Kris-bygningin á Toftum, ið er gamli Føroya Banki.

 

Í Nes kommunu siga tey í dag, at bygningurin fer at standa soleiðis, at parkeringspláss verða framman fyri bygningin, sum ætlandi verður í tveimum hæddum við kjallara.

 

- Bústaðir og Nes kommuna hava í eina tíð samskift um uppskot til rammuavtalu um íbúðarbygging á Toftum til serligar málbólkar hjá Almannaverkinum, og í juni gjørdu partarnir eina rammuavtalu, sum varð løgd fyri og einmælt samtykt á bygdaráðsfundi hin 27. juni.

 

Eftir summarfrítíðina fer Nes kommuna at gera økið byggiklárt. Bústaðir fyrireikar nú sjálva byggingina, í Nes kommunu siga tey, at nærri verður at frætta um verkætlanina til heystar.

 

 

]]>
Tíðindi Víðkað grein
news-407981 Thu, 30 Jun 2022 13:21:37 +0100 Hon missur ikki høvdið – í hvussu so er ikki enn /news-detail/hon-missur-ikki-hoevdid-i-hvussu-so-er-ikki-enn Tað verður ikki fólkatingsval enn, heldur Sjúrður Skaale, fólkatingsmaður.  

 

##med2##

 

Tað verður ikki fólkatingsval beint nú, hóast ein kanningarnevnd hevur staðfest, at danski forsætisráðharrin, Mette Frederiksen, villleiddi grovliga, tá ið avgerðin varð tikinum at avtaka allar minkarnar í Danmark í royndunum at basa koronu. Samstundis fáa eisini fleiri av ovastu tænastufólkunum í stjórnini, og ovastin fyri løgregluna, harðar ábreiðslur. Ábreiðslurnar eru so harðar, tí at niðurstøðan er, at einki lógargrundarlag var fyri at avtaka minkarnar.

 

Men Sjúrður Skaale, fólkatingsmaður fyri Javnaðarflokkin, er sannførdur um, at hetta fer ikki at kosta Mette Frederiksen, høvdið, í hvussu so er ikki í fyrstu syftu. Hann er eisini sannførdur um, at hon fer heldur ikki at útskriva nýval á hesum grundarlagi.

 

Trýst á pílin undir myndini og hoyr Sjúrð Skaale greiða frá, hvussu hann metir um støðuna eftir lemjandi atfinningarnar í frágreiðingini hjá mink-nevndini í morgun.  

 

]]>
Tíðindi
news-407980 Thu, 30 Jun 2022 12:53:00 +0100 Ukrainar fagna frígering av Slanguoynni /news-detail/ukrainar-fagna-frigering-av-slanguoynni Russiska verjumálaráðið sigur, at teirra herdeildir eru farnar av Slanguoynni fyri at vísa tekin um góðvilja - og herurin í Ukraina fegnast. Tað er tíðindastovan, Ria Novosti, sum endurgevur russiska verjumálaráðið. Snake Island - ella Slanguoyggin, sum hon verður rópt - liggur í útnyrðingspartinum av Svartahavinum, einar 48 kilometrar úr ukrainsku strondini, og einar 300 kilometrar vestan fyri Krim-hálvoynna.

 

Hóast Slanguoyggin er lítil, heldur tankasmiðjan, Atlantic Council, at hon er eitt lyklapunkt fyri ukrainsku havleiðirnar í Svartahavinum.

 

- Eg takki verjudeildunum í Odessa-regiónini, sum hava gjørt tað, tær kundu fyri at frígera ein strategiskt týdningarmiklan part av okkara øki, sigur verjuleiðarin í Ukraina, Valerij Zaluzjnij, sambært NTB.

 

Leiðarin fyri kommandistøðina har suðuri í Ukraina skrivar á Tvitter, at skot og spreingingar hava verið at hoyrt av oynni í samband við, at russiski herurin rýmdi haðani í tveimum skjóttgangandi bátum.

 

##med2##

 

Sambært ríkisriknu russisku tíðindastovuni, Ria Novosti, er russiski herurin rýmdur av oynni fyri at vísa tekin um góðvilja. Hetta skal vísa, at Russland ikki ynskir at avbyrgja útflutningin av korni úr Ukraina. 

 

ST arbeiðir við at fáa í lag eina trygga farleið fyri útflutningi av korni sjóvegis úr Ukraina.

 

Slanguoyggin fall í russiskar hendur tíðliga í krígnum, tá Russland gjørdi innrás í Ukraina hin 24. februar í ár. Tað var eisini um hesar leiðir, at russiska flaggskipið, rakettkryssarin Moskva varð søktur í einum ukrainskum álopi á skipið.

 

 

 

]]>
Tíðindi Uttanlands Víðkað grein
news-407977 Thu, 30 Jun 2022 12:16:00 +0100 Stóri áleyparin er aftur í Milano /news-detail/stori-aleyparin-er-aftur-i-milano Premier Leage: Romelu Lukaku er aftur í Inter Milan eftir eitt av dýrastu floppunum í søguni 29 ára gamli Romelu Lukaku er í dag í itlaska býnum Milano, har hann hevur verður útleigaður til Inter Milan í eitt ár, eftir at Cheslea í fjør keypti hann fyri ikki minni enn 850 milliónir krónur frá júst Inter Milan.

 

Hann hevur meginpartin av árinum í Chelsea, verið settur í samband við eitt skifti aftur til Inter Milan, har hann vann Seriu A undir leiðslu av Antonio Conte. Søgurnar í bretsku miðlunum er, at Romelu Lukaku var ónøgdur við venjaran, Thomas Tuchel, og fleiri onnur viðurskifti.

 

Tað bleiv bara til átta mál í 26 dystum í farna kappingarári fyri Chelsea. Til samanberingar skoraði hann 64 mál í 95 dystum fyri Inter Milan.

 

Søgan hjá belgiska áleyparanum er lang. Hann skifti frá Anderlecht í heimlandinum til júst Chelsea í 2011. Í tveium førum bleiv hann útleigaður við góðum úrslitum í WBA og Everton, men ikki nokk til at vinna sær pláss á besta liðnum hjá Chelsea. Tí endaði hann í Everton, har hann upp á trý ár skoraði 71 mál.

 

Í 2017 kom stóra skiftið til Manchester United, men tað spældi ikki so væl av, sum partarnar ætlaðu. Áleyparin skifti í 2019 til Inter Milan, har hann fall væl til og vann italska meistaraheitið. Aftur kom Chelsea eftir honum og keypti hann fyri 850 milliónir krónur.

 

Hetta kappingarárið er 29 ára gamli áleyparin mest umrøddur, fyri at siga í eini samrøðu, at hann ynskir at sleppa aftur til Inter Milan. Tað er ynskið er nú uppfylt. Tað kostar Inter Milan um 60 milliónir krónur at leiga belgiska áleyparan, umframt at Romelu Lukaku má nakað niður í løn.

 

Romelu Lukaku er ein av fleiri áleyparum, ið hava havt torført við at bera troyggju nummar 9 hjá Chelsea. Undan honum kunnu nevnast Fernando Torres, Alvaro Morata, Radamel Falcao, Franco Di Santo og Gonzalo Higuain.

 

]]>
Ítróttur Fótbóltur
news-407979 Thu, 30 Jun 2022 12:08:30 +0100 Jóannes er aftur í KÍ /news-detail/joannes-er-aftur-i-ki 25 ára gamli vongverjin fer nú aftur at spæla við KÍ, eftir at hann higartil í ár hevur umboðað Næstved Fyrrverandi lyklaspælari er aftur í KÍ. Klaksvíkar Ítróttarfelag boðar frá, at felagið hevur skrivað undir sáttmála við Jóannes K. Danielsen, ið higartil í ár hevur spælt við Næstved Boldklub, sum fyri stuttum flutti upp í næstbestu donsku deildina.

 

Jóannes K. Danielsen var fram til síðsta heyst vongverji í høgru og lyklaspælari í KÍ. Jóannes hevur í summar vant í KÍ, og nú hevur hann skrivað undir uppá, at hann verður KÍ spælari í hvussu so er fram til kappingarlok í 2024, veit nordlysid.fo at siga.

 

Freistin fyri at lata listan inn við nøvnum á spælarum, sum skulu luttaka í Champions League, er á midnátt í kvøld. Tí verður hann í KÍ ferðalagnum, sum sunnukvøldið fer til Bodø – um pappírsarbeiðið verður avgreitt í dag.

 

Jóannes K. Danielsen var einasti KÍ spælarin, sum í fjør var við í øllum 27 landskappingardystunum. Hann hevur sambært faroesoccer.com spælt 133 landskappingadystir fyri barndómsfelagið KÍ, 9 dystir í kappingini um løgmanssteypið, ein stórsteypadyst, 14 dystir í Europa, 9 dystir á A-landsliðnum og 5 U-21 landsdystir.

 

]]>
Ítróttur Fótbóltur
news-407978 Thu, 30 Jun 2022 11:43:00 +0100 Nú fer rentan á húsalánum at hækka hjá nøkrum /news-detail/nu-fer-rentan-a-husalanum-at-haekka-hja-noekrum Hjá summum kann tað verða tungt at rinda rentur og avdrátt - og tað kann eisini ávirka sethúsaprísin, sigur Landsbankin Nú er tað alt sum talar fyri, at rentan fer at hækka. Tað sigur Landsbankin í eini nýggjari frágreiðing.  Tey siga, at stjórin í miðbankanum í Evropa hevur boðað frá, at rentuhækkingar verða í juli og íseptember mánað í 2022.

 

Bankarnir í Føroyum plaga at laga sína rentu eftir rentuni uttanlands og tað merkir, at hjá teimum, sum hava húsalán við broytiligari rentu, fara rentuútreiðslurnar at hækka. Umleið 85 prosent av sethúsaskuldini hjá føroysku húskjunum, hava eina broytiliga rentu.

 

Rentan fyri sethúsalán í føroysku bankunum, er trý prosent í miðal, men føroysk húsarhald, sum hava donsk realkredittlán, rinda tilsamans 2,2 prosent í rentu í miðal. Landsbankin staðfestir, at hevur eitt húsarhald stóra skuld aftur ímóti inntøkuni, kunnu rentuhækkingar elva til, at tað verður ringt at gjalda rentur og avdráttir av sethúsaskuldini.

 

Í 2020 skyldaðu tey flestu ikki serliga nógv aftur ímóti inntøkuni. Landsbankin sigur, at 92,5 prosent av húskjunum høvdu eitt skuldarlutfall undir trý og tað merkir, at tey skyldaðu minni enn tríggjar ferðir inntøkuna. Hinvegin høvdu 7,5 prosent av føroysku húskjunum eina skuld, sum var meira enn tríggjar ferðir støddina av árligu inntøkuni.

 

Í 2020 skyldaðu 720 húski 3 - 4 ferðir støddina av inntøku fyri skatt, og 270 húski skyldaðu ímillum 4 og 5 ferðir inntøkuna. Og so vóru tað 400 húski, ið høvdu eina skuld, ið var meira enn fimm ferðir støddina av árligu inntøkuni. Húski við høgum skuldarlutfalli eru fleiri í tali í Suðurstreymoy enn aðrastaðni í landinum, og tað er sjálvandi tí, at sethúsaprísirnir eru hægst í miðstaðarøkinum.

 

Hækkar rentan, hækka rentuútreiðslurnar, bæði bæði til sethúsalán, billán og aðra skuld. Hækkar rentan eitt prosentstig, skulu umleið 800 krónur rindast meira um mánaðin í rentu fyri hvørja million í láni og er skuldin stór, kann ein rentuhækking ávirka fíggjarligu støðuna munandi.

 

– Seinastu tíðina eru prísirnir á orku, tilfari, og fleiri ráevnum hækkaðir og tað hevur eisini fíggjarligar avleiðingar við sær. Tí kann tað henda, at úrslitið av hækkandi prísum, og hækkandi rentum, verður, at húsarhaldini ikki longur kunnu bjóða líka nógv fyri eini sethús, sum tey hava gjørt, og tað kann tálma prísvøksturin á sethúsamarknaðinum.

 

– Hinvegin er eftirspurningurin eftir sethúsum nógv størri enn útboðið, serliga í miðstaðarøkinum, sigur Landsbankin. Samanumtikið verður mett, at prísvøksturin á sethúsamarknaðinum hesi seinastu árini, fer at hæsa av, men tað er kortini ikki vist, at prísirnir fara at lækka nevnivert. Skuldu sethúsaprísirnir lækka munandi, er tað óheppið fyri tey, ið hava stóra sethúsaskuld, tí tá kann skuldin gerast størri, enn sjálvt virðið á sethúsunum, sigur Landsbankin.

 

]]>
Tíðindi