in.fo - fyrst og fremst http://example.com some description en-gb TYPO3 News Wed, 28 Jul 2021 19:14:19 +0100 Wed, 28 Jul 2021 19:14:19 +0100 in.fo TYPO3 EXT:news news-396486 Wed, 28 Jul 2021 18:35:00 +0100 VIDEO: Brandur og liðfelagarnir vunnu seg nærri oddinum við stórsigri /news-detail/video-brandur-og-lidfelagarnir-vunnu-seg-naerri-oddinum-vid-storsigri (Video) Síggj hæddarpunktini frá dystinum Helsingborg-Falkenberg 4-0 (2-0) Brandur Hendriksson byrjaði aftur inni á miðvøllinum hjá Helsingborg, tá Helsingborg frammanfyri 3.300 áskoðarum í dysti í næstbestu svensku fótbóltsdeildini á Olympia leikvøllinum í Helsingborg vann stórsigur 4-0 á Falkenberg.

 

Brandur var skiftur út tá 17 minuttir vóru eftir av vanligu leiktíðini. Tá hevði stutt áðrenn fingið eitt gult kort.

 

Stóra hetjan hjá Helsingborg í dystinum ígjár var málrevurin, Anthony van den Hurk sum hegnisliga gjørdi eitt hattrick har øll málini vóru stútað inn. Anthony van den Hurk er landsliðsspælari hjá karabiska oyggjalandinum, Curacao sum hevur ein frælsan felagsskap við Niðurlond. Áður varð Curacao partur av Niðurlendsku Antillunum. 

 

Fjórða málið hjá Helsingborg skoraði Assad Al Hamlawi, eisini við einum góðum stútara.

 

Sigurin merkir, at Helsingborg nú liggur á fimta plássi við 21 stigum fyri 12 dystir. Fimm stig eru upp seinna uppflytingarplássið. Har hevur Norrby 26 stig, men Norrby hevur spælt ein dyst meira enn Helsingborg.

 

Komandi mikukvøld spælir Helsingborg ein útsettan dyst á útivølli móti botnliðnum, Vasalund. Vinnur Helsingborg tann dystin eru bert tvey stig upp til uppflytingarplássið. 

 

HER ber til at síggja hæddarpunktini frá stórsigrinum hjá Helsingborg á heimavølli:

 

##med2##

 

 

 

]]>
Ítróttur Ítróttar video
news-396487 Wed, 28 Jul 2021 18:34:00 +0100 Klaksvíkingar settu met fyri aðru ferð í fýra dagar /news-detail/klaksvikingar-settu-met-fyri-adru-ferd-i-fyra-dagar Kappróður: Tað er ongantíð áður komið fyri, at fimm kappróðrarbátar úr Klaksvík hava vunnið sama kappingardag Punktum varð í dag sett fyri róðrarárið 2021. Í fagrastu róðrarlíkindum gekk tað upp á stás at avgreiða róðrarnar á ólavsøku.

 

Merkisvert var tað, at tað í fimm av tíggju kappingum var annar bátur, sum vann á ólavsøku, enn tann báturin, sum var føroyameistari.

 

 

 

 

2021

 
 

Ólavsøkuvinnari

 
 

FM vinnari

 
 

Barnaróður gentur

 
 

Sævarmoy

 
 

Drekin

 
 

Barnaróður dreingir

 
 

Tjaldrið

 
 

Sævarmoy

 
 

5-mannafør gentur

 
 

Fípan Fagra

 
 

Drekin

 
 

5-mannafør kvinnur

 
 

Firvaldur

 
 

Firvaldur

 
 

6-mannafør kvinnur

 
 

Jarnbardur

 
 

Jarnbardur

 
 

6-mannafør kvinnur MA

 
 

Jarnbardur

 
 

Jarnbardur

 
 

5-mannafør dreingir

 
 

Fípan Fagra

 
 

Fípan Fagra

 
 

6-mannafør menn

 
 

Páll Fangi

 
 

Sundabáturin

 
 

8-mannafør

 
 

Knørrur

 
 

Argjabáturin

 
 

10-mannafør

 
 

Klaksvíkingur

 
 

Klaksvíkingur

 

 

 

 

Tað var eisini merkisvert, at fimm manningar hjá Klaksvíkar Róðrarfelag vunnu á ólavsøku. Tá ið kappróður var í Klaksvík síðsta leygardag varð nevnt, at hetta var fyrsta ferðin yvirhøvur, at fýra bátar hjá klaksvíkingum vunnu sama kappingardag.

 

Metið hjá teimum í Klaksvík, sum varð sett leygardagin, bleiv bara fýra dagar gamalt. Tí longu í dag gekk tað uppaftur betur hjá Klaksvíkar Róðrarfelag, enn tað leygardagin gjørdi á heimasjógvi. Fimm av teimum tíggju vinnarunum í ólavsøkuróðrinum 2021 vóru bátar hjá Klaksvíkar Róðrarfelag – Sævarmoy við gentum í barnaróðrinum, Fípan Fagra við gentumanning, Fípan Fagra við dreingjum, Páll Fangi 6-mannafør menn og so Klaksvíkingur.

 

 

 

]]>
Ítróttur Annar ítróttur
news-396485 Wed, 28 Jul 2021 18:07:00 +0100 Klaksvíkingur er bestur av øllum /news-detail/klaksvikingur-er-bestur-av-oellum 10-mannafør: Við sigri á ólavsøku var FM vinnarin úr Klaksvík tann einasti av øllum bátunum, sum vann allar róðrarnar í 2021 Tað er Klaksvíkingur, og so eru tað allir hinir bátarnir – í kappingini millum 10-mannaførini og í øllum hinum bátastøddunum og við kvinnum og monnum.

 

Punktum fyri róðrarárið 2021 varð sett, tá ið 10-mannaførini kappaðust í frágera góðum líkindum.

 

Og í dag gekk tað soleiðis, sum tað hevur gjørt seks tær undanfarnu ferðirnar. Klaksvíkingur, sum longu undan ólavsøku hevði tryggjað sær FM heitið, var fyrstur á mál, og harvið hevur Klaksvíkingur vunnið fult stigatal. Tað hevur eingin annar bátur megnað.

 

Starturin var góður hjá bæði Orminum Langa og Klaksvíkingi. Í startspurtinum lógu teir borð um borð, men smátt um smátt vignaðust tøkini betur hjá klaksvíkingum, sum vunnu hálvan skut og so heiltan skut, og sum síðani vunnu eina hálva bátslongd og eitt sindur meiri enn tað.

 

Ormurin Langi skal eiga rós fyri, at hann aftur í dag royndi at bjóða av. Tað eydnaðist ikki at vinna, og nú er tað greitt, at eftir trý ár á trónuni er Ormurin Langi ikki longur meistari. Klaksvíkingur er meistari fyri fyrstu ferð síðani 2017, og tað var ógvuliga týdningarmikið fyri klaksvíkingar, at teir eisini vunnu á ólavsøku, og at teir eru einasti bátur, sum í 2021 hevur vunnið fulla úrtøku.

 

1 Klaksvíkingur 04:06.45 7 0 0
2 Ormurin Langi – RK 04:08.21 6 0 0
3 Havnarbáturin 04:20.04 5 0 0
4 Drekin Reyði 04:26.10 4 0 0

 

 

 

FM

 

1 Klaksvíkingur           49

 

2 Ormurin Langi          42

 

3 Havnarbáturin         35

 

]]>
Ítróttur Annar ítróttur
news-396473 Wed, 28 Jul 2021 17:58:00 +0100 Her liggur loftsteinurin sum datt niður í Noregi /news-detail/her-liggur-loftsteinurin-sum-datt-nidur-i-noregi Eftir at hava fingið eina mynd av einum "roykspori", heldur Norsk Meteornettverk, at loftsteinurin, sum herfyri datt niður í Noregi, liggur sunnan fyri eitt náttúruøki í Finnmørkini.  

 

Tað var náttina til hin 25 juli, at eitt bjart jós lýsti náttarhimmalin upp í einum parti av Noregi, og ljósglæman sást eisini í onkrum pørtum av Svøríki. Fólk víða um landið sóu ljósið og hoyrdu larmin, men higartil hevur ikki eydnast at finna loftsteinin ella leivdir av steininum.

 

Útrokningar hjá Norsk Meteornettverk vísa, at steinurin hevur verið yvir økinum, sum norðmenn rópa Harestua og Tyrifjørðinum, áðrenn hann datt niður í Finnmørkini - í einum friðaðum skógarøki norðan fyri býin, Drammen.

 

Sambært norskum miðlum, hevur Norsk Meteornettverk fingið myndir av einum "roykspori", sum tey rópa tað.

 

- Vit brúka stjørnurnar í baksýni og eru komin eftir, at steinurin kann liggja í einum øki, sum er 3,5 kilometrar langt og einar 700 til 800 metrar breitt. Sjálvandi kann steinurin liggja uttan fyri økið, men vit halda, at nevnda økið er tað besta at leita í.

 

##med2##

 

Stovnurin heldur, at tey við 60-70 prosent vissu kunnu siga, at loftsteinurin liggur í hesum øki, men tey ásanna eisini, at tey kunnu mistaka seg, tó at tað eru sera nærløgd fólk, sum hava gjørt útrokningarnar.

 

Nú verður eggjað øllum, sum ferðast um hesar leiðir, til at leita eftir loftsteinum.

 

- Fólk skulu hyggja eftir svørtum og avrundaðum steinum. Finna tey steinin ella steinar, sum kunnu vera loftsteinar, eiga tey at taka myndir og merkja staðið ítøkiliga, siga tey hjá Norsk Meteornettverk.

 

 

 

]]>
Tíðindi Uttanlands
news-396483 Wed, 28 Jul 2021 17:55:00 +0100 Fípugenturnar bastu meistarunum /news-detail/fipugenturnar-bastu-meistarunum 5-mannafør gentur: Genturnar úr Klaksvík vunnu við fínum endaspurti ímóti Drekanum, sum var næstfyrstur og er FM vinnari Tað var fantastiskur spenningur og skiftandi støða, tá ið 5-mannaførini við gentum kappaðust í fínum líkindum á Havnarvág.

 

Firvaldur av Tvøroyri, Fípan Fagra úr Klaksvík og Drekin hjá Havnar Róðrarfelag vóru beinanvegin við í kappingini um sigurin. At Firvaldur hevði hug at blanda seg í kappingina kundi verða avgerandi fyri, hvør fór at vinna FM, tí undan síðsta róðrinum var Drekin tvey stig undan Fípuni Føgru, ið kundi vinna FM, um hann vann, og Firvaldur endaði á øðrum plássi.

 

Framvið Molanum eydnaðist tað Fípuni Føgru at vinna seg undir liðina á Drekanum, meðan Firvaldur dragnaði eitt sindur. So var tað, at Fípan Fagra í endaspurtinum vann seg tað mesta av einari hálvari bátslongd framum Drekan.

 

Tá so Firvaldur hevði hug at bjóða av aftur, lúrdi møguleikin fyri, at Drekin kundi missa FM heitið, men tað gjørdi hann ikki. Drekin var næstfyrstur á mál, og harvið vóru tað genturnar hjá Havnar Róðrarfelag, sum vunnu FM heitið í 2021.

 

 

 

 

 

]]>
Ítróttur Annar ítróttur
news-396482 Wed, 28 Jul 2021 17:28:00 +0100 Knørrur syfti aftur meistaranum /news-detail/knoerrur-syfti-aftur-meistaranum 8-mannafør: Hóast Argjabáturin átti fínan start, so megnaði Knørrur at vinna á meistaranum Argjabáturin er FM vinnari í kappingini millum 8-mannafør. Hetta er 16. ferðin, at Argjabáturin er føroyameistari. Tað er met, sum Argjabáturin eigur saman 6-mannafarinum Jarnbardi við kvinnum.

 

Argjabáturin fekk fínan start undir Argjahøvda, og Gullbrandur úr Fuglafirði fekk besta startin av øllum.

 

Knørrur hjá Róðrarfelagnum Knørri fekk ikki heilt so góðan start. Hann vann bæði í Miðvági og í Klaksvík, og tað endaði eisini í dag við, at Knørrur vann.

 

Eftir ikki so sannførandi startin fóru tøkini at muna meiri hjá Knørri, enn tey gjørdu hjá kappingarneytunum. Knørrur tók Gullbrand, og framvið Molanum át Knørrur seg støðugt inn á Argjabátin. Eina løtu lógu hesir báðir bátarnir stavn um stavn. So tók Knørrur Argjabátin og vann við tí mesta av einari bátslongd.

 

Gullbrandur úr Fuglafirði svaraði av álvara aftur í endaspurtinum, tá ið tað var um reppið, at tað eydnaðist at taka Argjabátin. Tað gjørdi tað kortini ikki, og Argjabáturin er heilt greiður FM vinnari.

 

1 Knørrur 04:18.48 7 0 0
2 Argjabáturin 04:20.26 6 0 0
3 Gullbrandur 04:20.33 5 0 0
4 Heiðabáturin 04:23.24 4 0 0
5 Nevið Reyða 04:26.23 3 0 0

 

 

 

FM

 

1 Argjabáturin 46

 

2 Knørrur        42

 

3 Gullbrandur 35

 

 

 

 

 

]]>
Ítróttur Annar ítróttur
news-396481 Wed, 28 Jul 2021 17:15:00 +0100 FM fagnaðurin er serliga stórur umborð á Fípuni /news-detail/fm-fagnadurin-er-serliga-storur-umbord-a-fipuni 5-mannafør dreingir: Í fjør mistu teir FM á stokkinum, og í dag vunnu teir úr Klaksvík bæði FM og ólavsøkuróðurin Fyri einum ári síðani var tað øgiigur fagnaður umborð á Heyki. Dreingirnir úr Hósvík vunnu á ólavsøku finaluróðurin ímóti Fípuni Føgru. Harvið var Heykur FM vinnari og ólavsøkuvinnari.

 

Í dag var aftur talan um finaluróður millum hesar báðar bátarnar.

 

Heykur sprakk avstað, men Fípan Fagra var beinanvegin í hølinum á Heyki, og tað varð heilt skjótt greitt, at kappingin um ólavsøkusigurin fór bara at vera millum hesar báðar bátarnar, sum løgdu seg eina og so tvær bátslongdir undan hinum bátunum.

 

Heykur var eina løtu ein skut undan klaksvíksdreingjum. Men teir á Fípuni Føgru vístu seg at vera rættiliga treystir og knáir.

 

Smátt um smátt otaði Fípan Fagra seg undir liðina á Heyki. Eina løtu róðu hesir báðir borð um borð og stavn um stavn fram ímóti málinum. Á málinum var Fípan Fagra rongina undan Heyki, og so er Fípan Fagra við dreingjum úr Klaksvík bæði ólavsøkuvinnari og FM vinnari.

 

1 Fípan Fagra 04:39.10 7 0 0
2 Heykur 04:39.36 6 0 0
3 Ørnin 04:47.04 5 0 0
4 Jallurin 04:47.18 4 0 0
5 Teistin 04:52.49 3 0 0
6 Leikalind 04:54.39 2 0 0
7 Knúkur 04:55.04 1 0 0
8 Dúgvan 04:56.06 0 0 0
9 Royndin Fríða 04:56.08 0 0 0
10 Sílið 04:58.15 0 0 0
11 Firildur 04:58.28 0 0 0
12 Ingibjørg 04:58.43 0 0 0
13 Fenja 05:07.11 0 0 0

 

 

 

FM

 

1 Fípan Fagra  47

 

2 Heykur         44

 

3 Ørnin            33

 

 

 

 

 

]]>
Ítróttur Annar ítróttur
news-396480 Wed, 28 Jul 2021 17:04:00 +0100 Páll Fangi vann á koronu og meistaranum /news-detail/pall-fangi-vann-a-koronu-og-meistaranum 6-mannafør menn: FM vinnarin Sundabáturin megnaði ikki at vinna tað aftur, sum hann misti í startinum Tað var Páll Fangi úr Klaksvík, sum vann ólavsøkuróðurin, tá ið 6-mannaførini við monnum kappaðust á ólavsøku.

 

Páll Fangi vann á fjarðastevnu. Síðani vann Sundabáturin allar hinar róðrarnar fram til í dag, og tí var hann FM vinnari longu undan ólavsøkuni.

 

Páll Fangi hevur verið næstfremstur allar róðrarnar uttan á vestanstevnu, tá ið tað kiksaði heilt. Orsøkin var, at tveir av rógvarunum og róðurskvinnan vóru rakt av koronu og ikki vóru við í Miðvági.

 

Leygardagin í Klaksvík vóru tey við aftur. Tá megnaði Sundabáturin at vinna og tryggja sær FM heitið. Men í dag var Páll Fangi fremstur, og hann er næstbestur í FM kappingini – aftanfyri FM vinnararnar og grannarnar umborð á Sundabátinum.

 

 

 

1 Páll Fangi 04:28.30 7 0 0
2 Sundabáturin 04:29.42 6 0 0
3 Smyril 04:34.07 5 0 0
4 Víkingur 04:35.04 4 0 0
5 Fortuna 04:36.34 3 0 0
6 Hvessingur 04:36.41 2 0 0
7 Gongurólvur 04:36.45 1 0 0
8 Strálan 04:36.46 0 0 0
9 Hósvikingur 04:37.19 0 0 0
10 Glyvrabáturin 04:44.27 0 0 0

 

 

 

FM

 

1 Sundabáturin           47

 

2 Páll Fangi                  38

 

3 Smyril                       36

 

]]>
Ítróttur Annar ítróttur
news-396479 Wed, 28 Jul 2021 16:43:00 +0100 Firvaldur er føroyameistari /news-detail/firvaldur-er-foeroyameistari 5-mannafør kvinnur: Kvinnurnar av Tvøroyri vunnu spennandi FM kappingina við Erlu Kongsdóttir Tað var finala um FM, tá ið 5-mannaførini við kvinnum kappaðust í framúr róðrarlíkindum á Havnarvág.

 

Finalan var millum Erlu Kongsdóttir úr Fuglafirði og Firvald av Tvøroyri.

 

Tann av hesum báðum, sum var fremri á ólavsøku varð FM vinnari.

 

Í øðrum kappingum fyrr í dag hevur annar vinnari verið enn FM vinnari.

 

Soleiðis var tað ikki í dag. FM kandidatarnir Firvaldur og Erla Kongsdóttir vóru klárt fremstir framvið Molanum. Eina løtu var Firvaldur greitt á odda. Men so var tað sum um, at tær á Erlu Kongsdóttir fingu eyka orku. Í endaspurtinum tók Erla seg støðugt fram á Firvald, og tá ið bátarnir fóru um málið, var munurin millum tveir teir fremstu bátarnar heilt lítil.

 

Men tað var eingin ivi um, at Firvaldur var fyrstur um málið, og at tað harvið eru kvinnurnar av Tvøroyri, sum nú eru meistarar. Erla Kongsdóttir úr Fuglafirði hevur verið meistari trý tey seinastu árini.

 

1 Firvaldur 04:50.00 7 0 0
2 Erla Kongsdóttir 04:50.26 6 0 0
3 Tambar 04:57.48 5 0 0
4 Blikur 04:58.11 4 0 0
5 Tjaldrið 04:58.28 3 0 0
6 Tekla 04:58.44 2 0 0
7 Spógvin 05:07.02 1 0 0
8 Báran 05:07.13 0 0 0
9 Malunarhav 05:07.40 0 0 0
10 Tarvurin 05:10.40 0 0 0
11 Ritan 05:13.18 0 0 0
12 Junkarin 05:16.13 0 0 0
13 Falkur 05:19.29 0 0 0

 

 

 

FM

 

1 Firvaldur      39

 

2 Erka Kongsdóttir      38

 

3 Blikur           25

 

4 Tjaldrið        23

 

 

 

]]>
Ítróttur Annar ítróttur
news-396478 Wed, 28 Jul 2021 16:20:00 +0100 Gullregn á Havnarvág /news-detail/gullregn-a-havnarvag 6-mannafør kvinnur: Jarnbardur vann á ólavsøku og FM Í tveimum teimum fyrstu róðrunum í dag – barnaróðrunum – var tað annar vinnari á ólavsøku enn FM vinnarin.

 

Soleiðis var tað ikki, tá ið fyrsti róðurin var av málinum undir Argjalandinum – stívliga 901 metur frá endamálinum.

 

FM favorittarnir á Jarnbardi ristu ikki á hondum. Tær vóru skjótt fremstar, og so var spurningurin bara, hvussu trivaligur sigurin hjá Jarnbardi hjá Róðrarfelagnum Knørri fór at verða. Hann var rættiliga trivaligur, tí Jarnbardur var tríggjar bátslongdir undan avbjóðarunum, nú Jarnbardur vann FM fyri 16. ferð.

 

Tá ið tær vóru farnir um málið, vóru FM og ólavsøkuvinnararnir skjótir at smoyggja seg í gullvestar, sum boða frá, at tær vunnu gull bæði á ólavsøku og í FM.

 

Kappingin um næstfremsta plássið var sera spennandi. Sølmundur hjá Kappróðrarfelagnum NSÍ var í kapping við Víking hjá Havnar Róðrarfelag, og tað endaði við, at Víkingur vann ta kappingina.

 

1 Jarnbardur 04:48.17 7 0 0
2 Víkingur 04:55.32 6 0 0
3 Sølmundur (NSÍ) 04:56.08 5 0 0
4 Tindur 05:30.21 4 0 0

 

 

 

FM

 

1 Jarnbardur   48

 

2 Sølmundur   42

 

3 Víkingur       31

 

 

 

 

 

]]>
Ítróttur Annar ítróttur