H71 - Stjørnan 29-25 (14-13)
Oddaliðið í SMS-deildini, H71, tók í dag móti Stjørnuni í Hoyvík.
Dysturin gjørdist nakað javnur, men H71 hevði hug at vera eini tvey mál á odda. Sostatt var hálvleiksstøðan eisini 14-13 til hoyvíksgenturnar.
Í seinna hálvleiki helt sama dystarmyndin fram. Ein sat við kensluni av, at H71 hevði tamarhald á dystinum, hóast tað ikki eydnaðist at sleppa meira enn eini tvey mál frá Stjørnuni.
Men tá ið einir tíggju minuttir restaðu í kom avgerðin. H71 revsaði nøkur mistøk frá Stjørnuni, so at munurin vaks upp í seks mál, og hesum megnaði Stjørnan ikki at taka aftur.
Endaliga úrslitið gjørdist 29-25 til H71.
Málskjúttar hjá H71:
Maria H. Weyhe 9, Marita Mortensen 6, Guðrið á Borg 6, Karin Simonsen 3, Eva Barba Arge 2, Durita T. Joensen 1, Katrin G. Højsted 1, Anna á Steig 1
Málskjúttar hjá Stjørnuni:
Mina Sirdal 9, Sonja Sirdal 5, Tóra Eliasen 3, Kristina Poulsen 2, Katrin Bertholdsen 2, Raluk Nagy 2, Hervør Olsen 1, Judith Dam Jacobsen 1