Tað er nú greitt, at Flemming Raben og Christoffur Gert Nielsen skulu venja kyndilskvinnur komandi kappingarár, ístaðin fyri Daniel Gordo Rios og Sophus Dal Christiansen. Kyndil er greipuvinnari í ár.
Flemming Raben hevur fleiri royndir innan føroyskan hondbólt. Hann hevur fyrr vant kyndilskvinnur, neistakvinnur og verið kvinnulandsliðsvenjari. Christoffur Gert Nielsen hevur verið ungdómsvenjari seinastu tíggju árini. Fimm ár í Danmark og síðani fimm ár í Kyndli. Báðir hava divisiónsvenjaraútbúgvingina hjá DHF, boðar heimasíðan hjá Kyndli frá.
Kyndil vann bæði steypakappingina og FM í ár. Í báðum førum móti Neistanum. Kyndil takkar eisini greipuvinnandi venjarunum fyri arbeiðið.
- Vit villa eisini takka Daniel Gordo Rios fyri gott og læruríkt kappingarár, og ikki minnst eisini takka Sophus Dal Christiansen fyri alt arbeiði, hann hevur lagt í kvinnurnar nógv tey síðstu árini. Hann hevur verið við líka frá uppbyggjan til Europacup og at hava vunnið "The Double", skrivar heimasíðan hjá Kyndli.
