Kolumbia hevur í kvøld vunnið 3-0 á Póllandi í bólki H í HM-endaspælinum í Russlandi. Sigurin merkir at Kolumbia enn hevur møguleikan at koma víðari, meðan Pólland nú er úti av HM.
Bæði Pólland og Kolumbia tapu í fyrsta umfari í bólkaspælinum. Sermerkt við ósigrinum hjá Kolumbia fyri Japan var, at liðið fekk ein spælara útvístan aftaná tríggjar minuttir. Í dag gekk væl betri.
Í fyrra hálvleki stútaði miðverjin, Yerry Mina, bóltin í málið, eftir stutt hornaspark. Miðverjin, sum skifti til FC Barcelona í vetur, stóð sterkur í myndini í dag, har pólska stjørnan, Robert Lewandowski, hevði tað trupult.
Í seinna hálvleiki øktu Radamel Falcao og Juan Cuadrado til fyrst 2-0, og síðani til úrslitið 3-0. Kolumbia tóktist hava munin á Póllandi at kalla allan dystin.
Pólland – Kolumbia 0-3 (0-1)
0-1 Yerry Mina, 40
0-2 Radamel Falcao, 70
0-3 Juan Cuadrado, 75
Støðan í bólkinum:
1. Japan 4 (Stig)
2. Senegal 4
3. Kolumbia 3
4. Pólland 0
