Eingin fekk skaða, tá tað seinnapartin kom eldur í ein ferðafólkabuss í Hundsáarbotni á Oyggjarvegnum millum Kollafjørð og Havnina.
Bussførarin fekk øll ferðafólkini úr bussinum og royndi sjálvur at sløkkja eldin. Men tað eydnaðist ikki, og boð vórðu send eftir sløkkiliðinum í Havn.
Bussurin kolaðist upp sum hann stóð á vegnum.
Oyggjarvegurin hevur verið stongdur síðani. Nú eru tey farin at flyta bussin av staðnum.
