Ársins ungi mannligi spælari í IHF 2023 er Elias Ellefsen á Skipagøtu. Tað skrivar altjóða hondbóltssambandið, IHF, á heimasíðuni.
Sum vit skrivaðu her á síðuni, so er danski Mathias Gidsel kosin besti mannligi hondbóltsspælari í 2023.
Saman við Eliasi Ellefsen á Skipagøtu vórðu eisini tilnevndir Juri Knorr og Niels Lichtlein úr Týsklandi.
IHF nevnir góðu úrslitini hjá føroysku hondbólti, og at Elias Ellefsen á Skipagøtu var valdur á All-Strar-liðið eftir evropameistarakappingina í januar, og at hann var spælarin við flestu assistum.
Hetta man vera størsti ítróttarheiður, ið føroyingur hevur fingið.