Venjarin hjá íslendska kvinnulandsliðnum í hondbólti, Arnar Pétursson hevur tikið út hópin, ið skal spæla móti Luksemborg á útivølli 3. apríl, og sum tekur móti Føroyum á heimavølli á Hafnarfirði 7. apríl.
Ísland vann 32-14 (19-7) á Luksemborg á heimavølli 11. oktober í fjør, og tað er nærum eingin ivi um, at tær aftur fara at vinna á Luksemborg á útivølli.
Ísland vann 28-23 á Føroyum í høllini á Hálsi 15. oktober í fjør. Føroyar vóru á odda 12-11 í steðginum. Munurin í seinna hálvleiki var effektiviteturin í álopsstøðunum.
Sostatt kann Ísland tryggja sær annað plássið í bólkinum við at vinna á Føroyum, spæla javnt, ella tapa við færri enn fimm málum, og harvið vera betur innanhýsis.
Um Føroyar skulu taka annað plássið frá Íslandi fer tað at krevja ein sigur upp á seks mál ella fleiri, ella ein fimmmálssigur sum er 29-24, ella við fleiri málum.
Hjá okkara kvinnum verður málið fyrst og fremst í dystunum móti Svøríki á heimavølli 3. apríl, og á útivølli móti Íslandi 7. apríl at enda millum fýra teir bestu tríararnar í teimum átta EM-undanbólkunum, og harvið tryggjað sær eitt pláss í EM-endaspælinum í Eysturríki, Sveis og Ungarn seinast í hesum árinum.
Í íslendska hópinum er eisini Andrea Jakobsen hjá Silkeborg/Voel, ið er av føroyskari ætt.
HER er íslendski hópurin við tali av landsdystum og málum:
Málverjar:
Elín Jóna Þorsteinsdóttir, EH Aalborg (57/2)
Hafdís Renötudóttir, Valur (56/3)
Sara Sif Helgadóttir, Valur (9/0)
Útileikarar:
Alfa Brá Hagalín, Fram (0/0)
Andrea Jakobsen, Silkeborg-Voel (50/75)
Berglind Þorsteinsdóttir, Fram (24/5)
Díana Dögg Magnúsdóttir, BSV Sachsen Zwickau (50/68)
Elín Rósa Magnúsdóttir, Valur (17/39)
Elín Klara Þorkelsdóttir, Haukar (10/17)
Elísa Elíasdóttir, ÍBV (13/11)
Hildigunnur Einarsdóttir, Valur (106/124)
Jóhanna Margrét Sigurðardóttir, Skara (13/10)
Katrín Anna Ásmundsdóttir, Grótta (0/0)
Katrín Tinna Jensdóttir, ÍR (18/6)
Lilja Ágústsdóttir, Valur (22/15)
Perla Rut Albertsdóttir, Selfoss (46/85)
Steinunn Björnsdóttir, Fram (46/60)
Sunna Jónsdóttir, ÍBV (88/64)
Thea Imani Sturludóttir, Valur (76/168)
Tinna Sigurrós Traustadóttir, Selfoss (2/1)
Þórey Rósa Stefánsdóttir, Fram (135/391)