Undanundankappingarnar til HM-endaspælið í hondbólti hjá monnum eru avgreiddar.
Nú er greitt hvørji 22 landslið fara at kappast um tey 11 plássini, ið eru tøk hjá Evropa til HM-endaspælið í Danmark, Noregi og Kroatia í januar.
Dystirnir vera leiktir - heima og úti - millum 7. mai og 12. mai.
Føroyar spæla móti Norðurmakedonia í høllini á Hálsi í Havn, mikukvøldið 8. mai klokkan 19, og á útivølli í Norðurmakedonia, sunnukvøldið 12. mai klokkan 18.
Her eru tey 22 landsliðini sum kappast um 11 pláss í HM-endaspælinum í januar:
Rumenia – Kekkia.
Spania – Serbia.
Føroyar – Norðurmakedonia.
Slovenia – Sveis.
Portugal – Bosnia Hersogovina.
Ísland – Estland.
Póland – Slovakia.
Georgia – Eysturríki.
Litava – Ungarn.
Italia – Montenegro.
Grikkaland – Niðurlond.