Kaj Leo í Bartalsstovu var við frá byrjan, tá hann og liðfelagarnir í Njarðvík spældu dyst í íslendsku steypakappingini móti Gróttu á útivølli á Seltjarnarnesi.
Í steðginum var Njarðvík á sigurskós. Kaj Leo og liðfelagarnir vóru tá á odda 2-1.
Grótta javnaði til 2-2 tá eitt korter var eftir av vanligu leiktíðini.
Í tíðini dómarin hevði lagt aftrat skoraði Grótta sigursmálið.
Njarðvík má bíða til 3. mai eftir tí fyrsta dystinum í næstbestu íslendsku fótbóltsdeildini hetta kappingarárið.
3. mai spælir Njarðvík móti Leiknir á útivølli.
