Fyriskipararnir fegnast um góðu undirtøkuna frá bæði lokalum og gestum úr øllum landinum.
Hóast vit nú nærkast endanum av ársins mentanarviku, er nógv spennandi eftir at uppliva.
Leygardagur
Í Funningi er stórt víkingatiltak fyri børn við heitinum ”Grímsleikir,” og í Æðuvík eru Bóndagarðsdagar fyri alla familjuna, retro-kafé og pubquiz, felagssangur og konsert við Jens Marna Hansen og Sámali Ravnsfjall í neystinum hjá Karhild. Pop-up marknaður er í Skótahúsinum við Løkin alt vikuskiftið umframt mangt annað.
Sunnudagur
Umframt víkingatiltak og annað hendan dagin, eru forkunnugar konsertir eisini á skránni. Kl. 14-15 spæla Lív Næs og Tróndur Enni í hugnaligu kirkjuni í Elduvík. Eftir konsertina hevur skúlin opið, har drekkamunnur er at fáa og til ber at síggja myndir frá myndaskeiðnum, sum var í Elduvík fríggjadagin 26. apríl.
Kl. 15. hevur hevur Bergur D. Hansen fyrilestur um Viderø og vitalismu í Glyvra kirkju. Tórbjørn Jacobsen, borgarstjóri, innleiðir.
Ársins Mentanarvika endar í Rituvíkar kirkju, har Døgg Nónsgjógv spælir nøkur løg av EP’ini ”Døggfallin” umframt nøkur spildurnýggj løg.
Sí alla skránna og nærri kunning á mentanarvikan.fo
Myndir: Rógvi Langgaard
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
