Í morgun klokkan 07 tók Pressarin hjá Mest gamla postbátin Ólav uppá sleip. Leiðir bar út til Nólsoyar, har Ólavur skal umvælast.
Tað veit heimasíðan hjá Føroya Fiskimannafelag at siga í dag, og tað er Birgir W. Høgnesen, sum starvast hjá felagnum, ið hevur tikið myndirnar.
Sambært heimasíðuni vóru líkindi - bæði veður og streymur - til hesa uppgávu í morgun.
- Klokkan 11 í morgun var Pressarin so í Nólsoy við Ólavi, veit heimasíðan at siga.
Tað er Grunnurin fyri Ólavi VN 138, sum nú eigur Ólav. Uppgávan hjá grunninum er at skipa fyri, at søguligi postbáturin verður settur í uppruna stand aftur.
- Hetta arbeiðið skal gerast í Nólsoy, veit heimasíðan hjá Føroya Fiskimannafelag at siga í dag.
Fleiri myndir eru at síggja á https://fiskimannafelag.fo/forsida
##med2##
##med3##